Catching Butterflys

 

 

Ég er búin með grifflurna mínar "chatching butterfly" . Það var svo gaman að prjóna þær, að ég gat ekki stoppað. Ég hélt áfram þar til að þær voru búnar í gær og gat svo ekki sofnað því að ég var svo mikið að hugsa um allar uppskriftirnar sem hægt er að fá hjá þessari konu sem hannaði þær. Þegar að ég vaknaði svo í morgun þá pantaði ég tvö munstur sem ég ætla að gera. Ohhh hvað ég hlakka til að komast í búðina að versla garn í nýja verkefnið mitt.

En nú ætla ég að hætta og drýfa mig í búðina. ;-)

Bestu kveðjur úr Borgarfirðinum

Edda Soffía

 

Posted with Blogsy

Catching butterflies

 

 

 

 

Jæja nú held ég nú að ég ætti að skammast mín og skrifa eins og eina færslu til að sýna ykkur hvað ég er að gera þessa stundina.

Þetta eru grifflur sem að eru kallaðar "catching butterflies" yndislega flottar og rómantískar. Garnið er smart, litur sem ég féll alveg fyrir, en auðvitað var hann að hætta svo að ég keypti mér nokkrar dokkur. Þessi litur passar svo mjög vel fyrir þetta verkefni og þá sérstaklega vegna þess að grifflurnar eru handa mér sjálfri. ;-)

Teppið sem að sést aðeins í undir grifflunum er í vinnslu og á að klárast fyrir jólin. Humm við sjáum nú til með það ;-)

Bestu kveðjur úr Borgarfirðinum, og ég vil bjóða alla velkomna á þessa síðu.

Edda Soffía

 

Posted with Blogsy

Svona ýmislegt

 

Vorið er komið og ég náði mynd af fyrstu Fíflunum sem ég sá. Það var skrítið að ég sá ekki fífla fyrr en ég fór til Keflavíkur. Hummm. Er að horfa út um gluggan hjá mér og sé ekki einn Fífil.

Af því að mér er svo illt í hendinni og get því lítið prjónað eða heklað, þá hef ég aðeins verið að leika mér á saumavélinni. Það gengur samt ekki neitt svakalega vel því að það er svo vont að skera.

Ég hef verið að passa lítinn trítil undanfarið. Ekki leiðinlegt, við erum búin að skemmta okkur þvílíkt vel saman.

18. maí fórum við Gunnar í brúðkaup norður á fljót. Þar hefur verið ansi snjóþungt í vetur og þarna sjáið þið hvað það er mikill snjór við sáluhliðið. Þarna var búið að moka frá svo að það væri hægt að komast að kirkjunni. Þennan dag var samt 15 stiga hiti svo að það bráðnaði örugglega vel þann daginn.

Gunnar minn á kirkju loftinu.

Ég hef verið að prjóna eina og eina lopapeysu fyrir vinkonu mína til að selja í sumar. Það er ágætt að grípa í þær þegar ekkert annað er að gera.

Kisu kerlingarnar mínar eru alltaf að leita sér að góðum stað til að leggja sig á. Þessi staður verður að vera alveg sérstakur og í þetta skiptið var ég búin að brjóta saman teppi og lagði það frá mér og þegar að ég ætlaði að taka teppið og ganga frá því var ég of sein. Brína mín var lögst og það fór svo vel um hana að ég gat alveg eins beðið smá stund þar til hún var búin að leggja sig.

Litla kisa aftur á móti var búin að finna sér frábæran stað sem var mjúkur og mátuglega lítill fyrir hennar smekk. Hún var nefnilega komin ofan í prjóna töskuna mína og svaf þar í langan tíma. Það var allt í lagi ég fann mér bara eitthvað annað að prjóna á meðan. ;)

Þetta er sængurver sem ég saumaði handa Birgittu minni á litla sæng. Þetta efni heillaði hana svo mikið að ég keypti nóg til að gera sængurver á lítinn prins og af því að hennar maður er Warren þá passar að setja eftir nafnið á þetta, þá geta krakkarnir notað það fyrir sín börn. Það er gott að vera svolítið hagsín. ;)

Þetta er teppi sem að ég er að sauma handa mér sjálfri. Þetta eru allt efni sem að mér finnst svo falleg og ég ákvað að leifa þeim að njóta sín og hafði því stóra renninga. Síðan ætla ég að stinga það í vélinni minni með allskonar orðum og myndum. Ég er frekar frjáls með þetta teppi því að það er handa mér. ;)

Og að lokum þá var ég að klára þetta spiderman teppi handa barnabarni. Það er mikið stærra en hérna á myndinni en ég er bara að fatta það núna að ég gaf honum teppið án þess að taka loka mynd af því. hummm.

Bestu kveðjur úr Borgarnesi

Edda Soffía

Ps. Sumar myndirnar eru merktar Hvítar Rósir, ég á þær myndir en þær tilheira hinu blogginu mínu.

 

Posted with Blogsy

Páskafrí á Akureyri

Hæ
Nú er ég á Akureyri. Við höfum farið í mörg ár um páskana á skíði á Akureyri og þetta er orðin eins konar hefð. Þau fara upp í fjall en ég er niður í bæ að skoða lífið. Í gær fór ég niður í bæ (og þá meina ég "niður") því að það var eins og að klífa fjall að labba upp gilið aftur. En ég átti góðan dag, sat í Eymundson og las bók í langan tíma og endaði á að kaupa hana. Svo gekk ég um bæinn og naut lífsins í góða veðrinu. Það voru ekki margar búðir opnar en ég náði að skanna þær flestar. ;)
Ég tók með mér heklubútana fallegu sem að ég veit ekki ennþá hvað verður úr og lopapeysu sem þarf að vera búin fyrir Reiðhallarballið sem verður einhvern tíman í endaðan apríl. Peysan gengur vel ég er næstum komin upp að ermum, en ég hef ekki tekið upp heklið. Á myndinni hér fyrir ofan sjáið þið heklið, er þetta ekki æði? Ég fæ bara ekki nóg af því að gera þessa búta og svo það sem að er ekki minna skemmtilegt er að horfa bara á þá. Skrítin ég veit, en það er partur af handavinnunni hjá mér. Að horfa.
Hérna fyrir ofan setti ég líka mynd af bútasaumnum sem að ég er að gera, "trip around the world" ég er mjög ánægð með litina, þeir eru akkurat það sem talar til mín núna. Ég má hafa mig alla við að sauma þetta teppi því að ef að ég geri teppi á rúmið mitt þá þarf ég átta í lengd og átta í breidd. Það gera 64 bútar og það ætti að klára allt ljóst efni sem að ég á. Nei annars ég held að ég þurfi að versla smá ;-) Gott.
Annars sendi ég bara bestu kveðjur frá Akureyri
Edda Soffía
Follow my blog with Bloglovin

Posted with Blogsy

Buddu kvöld

 

 

 

 

 

Góðan dag

Í gærkveldi komum við vinkonurnar saman að sauma niður í búð. Þær voru að sauma buddur sem að ég kunni að gera og var því að leiðbeina þeim aðeins. Þær gerðu tvær buddur hvor og voru voða ánægðar með útkomuna. Ég hafði saumað svoleiðis áður og þær eru þarna á myndunum líka. Á meðan var ég að sauma teppi sem er kallað "trip around the world". Ég var búin að gera eina í afganga bútum eins og þetta teppi á í rauninni að vera en fanst það ekki flott og heldur ekki betri helmingnum, svo að ég prófaði að sauma í mínum litum og líkaði okkur þá betur við þetta. Í gær gerði ég svo fimm blokkir í viðbót og ég held persónulega að þetta verði voða mikið ég. Ég reyndi að taka mynd eftir að ég byrjaði að skrifa þetta Blogg en get þá ekki sett hana inn svo að ég held að ég geri það bara næst.

Borðtuskurnar hjá mér eru ekki allar svona fínar, en þessi var gerð úr afgöngum og oft eru þær prufustykki í leiðinni. Ég held að ég hafi verið að gera stjörnuhekl þarna. Allar mínar borðtuskur eru og hafa verið í mööörg ár prjónaðar og heklaðar. Ég fór að gera þetta fyrir mörgum árum og get ekki og líkar ekki við keyptar tuskur. Það hafa allir sína sérvisku. ;)

Heklaða teppið gengur vel en nú er ég að verða leið á því svo að það gæti farið að verða búið. Í upphafi var ég að hugsa um stórt teppi fyrir okkur en núna er það komið í góða barnastærð svo að ég gæti bara heklað kant utan um það og verið búin. En þá kemur upp í hugann að ég gæti líka sett það inn í skáp og hvílt mig aðeins á því og tekið það út seinna og gert það eins stórt og ég verð í stuði fyrir þá stundina. Þetta er það góða við að gera heklaða búta maður ræður ferðinni. ;)

Bestu kveðjur úr Borgarnesi

 

Posted with Blogsy

Saumadagur

 

 

 

 

 

 

Sælar

Nú hef ég verið að prófa að gera þessa tösku, sem að er í laginu eins og stórt pennaveski og ekkert mál að gera hana í þeirri stærð sem að hentar. Ég valdi svolítið erfitt efni, því að það er svo erfitt að finna eitthvað (hjá mér) sem passar við litinn. En það var ekkert mál þá var þetta bara gert einlitt. Í gegn um tíðina hef ég ekki verið alveg sátt við bláa litinn og því er ég að reyna að sættast við hann. Ég notaði því gamaldags bláan lit í útsauminn og ég held að þetta hafi komið nokkuð vel út. Ég tók mynd af öllum endum svo að hægt væri að sjá þetta vel. Á mánudagskvöldið hittumst við vinkonurnar svo til að sauma og þá ætlaði ég að kenna þeim þetta :-)

Páskaliljuna fann ég einhversstaðar á bloggi og var svo vitlaus að ég gleymdi að geyma slóðina svo að núna finn ég hana ekki. Ekki gott. Hún er voða skemmtileg, en ég get nú ekki séð hvað ég mundi nota hana í. En ég er svo forvitin að ég þarf alltaf að prófa ef að ég sé eitthvað skemmtilegt.

Græna og appelsínugula garnið á að fara í turtles húfi á barnabarn. Ég er með hugmynd sem að ég ætla að prófa að framkvæma. Það verður gaman að sjá hvað kemur út úr því. Ég kanski sýni ykkur hana ef að ég man eftir að taka mynd. ;)

En þetta er nú gott í bili, veðrið er yndislegt og þvotturinn blaktir á snúrunni og önnur vél búin.

Bestu kveðjur úr Borgarfirðinum

Edda Soffía

 

Posted with Blogsy

Snjódagur

 

Ein og ein bætist við

 

Litla kisa að fylgjast með

 

Það sést ekki út um gluggan hjá mér

Ég er búin að vera í Njarðvíkunum að passa frá því á sunnudag og kom svo heim í gær. Eins og ég hef gaman af því að vera hjá Birgittu minni og passa krakkana og vera amma í nokkra daga, þá er líka svo gott að koma heim og hugsa um mitt. Ég vaknaði í morgun við það að Karlotta mín bað mig að keyra sig í skólann. Þegar að ég leit út sá ég ekki neitt nema snjó. Það sást ekki á milli húsa hérna og eins gott að ég keyrði hana. Núna er orðið albjart og eins og þið sjáið þá sést lítið út um gluggan í stofunni hjá mér.

En þetta er auðvitað bara góður dagur til þess að gera handavinnu og ég er líka búin að vera að því. Það hafa bæst við nokkrir bútar í teppið, það stækkar óðum og verður ægilega fínt í sumar þegar að við Gunnar förum á stúfana. Erum alveg ákveðin í því að fara á strandirnar eins og í fyrra. Það er einhvern veginn öðruvísi að ferðast bara tvö, ekki með stelpurnar. Þær eru orðnar svo fullorðnar að þær vilja ekki ferðast með okkur innanlands. ;)

Bestu kveðjur úr Borgarnesi

 

Posted with Blogsy

Sumar dúkur

Hérna kemur það sem ég er búin að vera að gera undanfarið. Dúkurinn er verkefni sem ég byrjaði á þegar ég ver í heimsókn hjá Helgu minni í janúar. Þá sá ég svona líka grænan pakka af fötturum og hugsaði að sjálfsögðu um Birgittu mína sem er svo græn. Þessi var kanski svolítið öfga grænn en það er bara skemmtilegra á sumrin. ;) Ég reyndi að slá örlítið á með því að setja rauð jarðaber og rauðan kant og er bara ánægð með árangurinn.
Peysan sem þið sjáið er prjónuð úr lopa og kittens mohair og bara eftir mínu höfði. Ég er mjög ánægð með hana og nota hana mikið. Kanski eina sem að ég hefði breitt ef að ég væri að gera hana núna þá hefði ég ekki haft hana eins síða.
Bestu kveðjur úr Borgarfirðinum
Hellen Blogsy er að virka fínt, takk fyrir.

Posted with Blogsy

Helgar afrekið

Hæ

Nú er ég búin að vera að gera eitt og annað. Ég fór til Reykjavíkur á fimmtudaginn og að sjálfsögðu fórum við í garnbúð. Í þetta sinn var það garnbúðin Gauja í mjóddinni sem varð fyrir valinu. Þar var svona eitt og annað sem var gaman að skoða og þar á meðal nælon garn í töskur. Ég keypti eina dokku til að prófa hvað ég kæmist langt með hana og komst að því að sennilega þarf tvær dokkur í góða tösku. Ein dokka kostar rúmar 1800 kr svo að ef að ég ætlaði að gera mér búðatösku á tæpar 4000 kr þá geri ég ekki mikið fleiri en eina og verð lengi að borga hana upp. En það var gaman að gera þessa tösku og ég var rétt um það bil einn og hálfan tíma að hekla hana.

Svo er það nú annað, ég er að gera púða sem að ég sá á einhverju blogginu. Hann er svo flottur og litirnir eru æði, þrír bleikir litir og hvítt í kringum blómin. Vandamálið er að ég sá þetta sett saman með ljósum turkis lit og það var svo flott á myndinni en þegar að ég er búin að gera þetta eins og ég vildi þá finnst mér hann kanski svolítið of skrautlegur. Ég veit ekki og ætla að horfa á þetta þangað til að ég kemst að einhverri niðurstöðu. Myndirnar eru svo dökkar af því að ég tók þær í kvöld á ipadinn minn, og það minnir mig á að segja ykkur að ég er að læra að blogga á hann svo að þetta er kanski svolítið skrítið Blogg.

Bestu kveðjur
Edda Soffía