Snjódagur

 

Ein og ein bætist við

 

Litla kisa að fylgjast með

 

Það sést ekki út um gluggan hjá mér

Ég er búin að vera í Njarðvíkunum að passa frá því á sunnudag og kom svo heim í gær. Eins og ég hef gaman af því að vera hjá Birgittu minni og passa krakkana og vera amma í nokkra daga, þá er líka svo gott að koma heim og hugsa um mitt. Ég vaknaði í morgun við það að Karlotta mín bað mig að keyra sig í skólann. Þegar að ég leit út sá ég ekki neitt nema snjó. Það sást ekki á milli húsa hérna og eins gott að ég keyrði hana. Núna er orðið albjart og eins og þið sjáið þá sést lítið út um gluggan í stofunni hjá mér.

En þetta er auðvitað bara góður dagur til þess að gera handavinnu og ég er líka búin að vera að því. Það hafa bæst við nokkrir bútar í teppið, það stækkar óðum og verður ægilega fínt í sumar þegar að við Gunnar förum á stúfana. Erum alveg ákveðin í því að fara á strandirnar eins og í fyrra. Það er einhvern veginn öðruvísi að ferðast bara tvö, ekki með stelpurnar. Þær eru orðnar svo fullorðnar að þær vilja ekki ferðast með okkur innanlands. ;)

Bestu kveðjur úr Borgarnesi

 

Posted with Blogsy

Sumar dúkur

Hérna kemur það sem ég er búin að vera að gera undanfarið. Dúkurinn er verkefni sem ég byrjaði á þegar ég ver í heimsókn hjá Helgu minni í janúar. Þá sá ég svona líka grænan pakka af fötturum og hugsaði að sjálfsögðu um Birgittu mína sem er svo græn. Þessi var kanski svolítið öfga grænn en það er bara skemmtilegra á sumrin. ;) Ég reyndi að slá örlítið á með því að setja rauð jarðaber og rauðan kant og er bara ánægð með árangurinn.
Peysan sem þið sjáið er prjónuð úr lopa og kittens mohair og bara eftir mínu höfði. Ég er mjög ánægð með hana og nota hana mikið. Kanski eina sem að ég hefði breitt ef að ég væri að gera hana núna þá hefði ég ekki haft hana eins síða.
Bestu kveðjur úr Borgarfirðinum
Hellen Blogsy er að virka fínt, takk fyrir.

Posted with Blogsy

Helgar afrekið

Hæ

Nú er ég búin að vera að gera eitt og annað. Ég fór til Reykjavíkur á fimmtudaginn og að sjálfsögðu fórum við í garnbúð. Í þetta sinn var það garnbúðin Gauja í mjóddinni sem varð fyrir valinu. Þar var svona eitt og annað sem var gaman að skoða og þar á meðal nælon garn í töskur. Ég keypti eina dokku til að prófa hvað ég kæmist langt með hana og komst að því að sennilega þarf tvær dokkur í góða tösku. Ein dokka kostar rúmar 1800 kr svo að ef að ég ætlaði að gera mér búðatösku á tæpar 4000 kr þá geri ég ekki mikið fleiri en eina og verð lengi að borga hana upp. En það var gaman að gera þessa tösku og ég var rétt um það bil einn og hálfan tíma að hekla hana.

Svo er það nú annað, ég er að gera púða sem að ég sá á einhverju blogginu. Hann er svo flottur og litirnir eru æði, þrír bleikir litir og hvítt í kringum blómin. Vandamálið er að ég sá þetta sett saman með ljósum turkis lit og það var svo flott á myndinni en þegar að ég er búin að gera þetta eins og ég vildi þá finnst mér hann kanski svolítið of skrautlegur. Ég veit ekki og ætla að horfa á þetta þangað til að ég kemst að einhverri niðurstöðu. Myndirnar eru svo dökkar af því að ég tók þær í kvöld á ipadinn minn, og það minnir mig á að segja ykkur að ég er að læra að blogga á hann svo að þetta er kanski svolítið skrítið Blogg.

Bestu kveðjur
Edda Soffía

Fíni stóllinn hennar Helgu minnar

Núna í janúar fór ég í heimsókn til Helgu minnar og strákanna í Ameríku. Helga er í skóla annan hvern dag og strákarnir fara að sjálfsögðu í skólann á morgnana líka. Þar af leiðandi var ég ein heima í nokkra klukkutíma þá daga. Ég varð að sjálfsögðu að finna mér eitthvað að gera og var svo heppin að Helga mín keypti sér stól sem að þurfti að yfirdekkja. Ég gerði það þá þegar að hún var í skólanum og þetta heppnaðist bara nokkuð vel.

Þegar að maður er vanur að vera alltaf með eitthvað í höndunum þá kemur margt skemmtilegt út. Ég sá svo flott garn í einhverri búð og keypti það og fór strax að hekla blómapúða. Hann kom svo vel út í nýja stólnum hennar og hún er svo ánægð með þetta sem betur fer. 😄

Gabriel orðinn 1 árs

Hæ, nú er komið næstum því ár síðan ég bloggaði hér síðast. Prinsinn hennar ömmu sinnar er orðinn 1 árs gamall fallegur lítill engill sem vaknaði í morgun og kom öllum á óvart á afmælinu sínu með 4 nýjum tönnum.
Annars er ég stödd í Virginia Beach hjá dóttur minni og barnabörnum í góðu yfirlæti. Við Helga mín erum búnar að versla eins og óðar. Helga var að kaupa gamlan stól og við erum að fara að yfirdekkja hann. Hún keypti voða flott ljóst röndótt efni og líka gæruefni til að setja á sessuna. Ég set mynd eftir að við erum búnar með stólinn.
Annað sem ég er að gera er lopapeysa á mig í hvítu með ljós bleikum röndum á stroffinu. Hún gæti verið búin en ég er að bulla uppskriftina svo að þá tekur þetta svolítið lengri tíma en venjulega.

Sitt lítið af hverju

                                

Í dag er miðvikudagur, svo að ég fór í vinnu í dag í sól og voða fínu gluggaveðri. Ég klæddi mig að sjálfsögðu eftir veðri og fór í pils og berfætt í skónum, með svövuna mína um herðarnar. Sísí kom til mín í vinnuna og við vorum ekki alveg tilbúnar að fara heim, svo að við fórum í Geirabakarí og fengum okkur kaffi og með því. Þegar að maður fer í Geira þá er Hagkaup við hliðina á, svo að þar gátum við eitt smá pening. ;þ Þegar að við komum út þá var skollið á band brjálað veður, blind bylur og varla hægt að sjá fram fyrir sig. (og ég alltaf á sumarfötunum, berfætt í skónum) ;þ

 

Á laugardag komu Njarðvíkingarnir í heimsókn og litli prinsinn hennar ömmu kom að sjálfsögðu með. Hann var svo yndislegur og fallegur og gott að knúsa hann og kissa.

Við löbbuðum upp í menntaskóla, þar var atvinnukynning og margt sniðugt að sjá. Handavinnuhúsið var þar að sjálfsögðu og þær voru með sniðuga keppni. Við áttum allar að gera  og koma með púða, sem svo allir áttu að velja flottasta púðann. Þetta var hörð keppni en flottasti púðinn kom svo frá mér. ;þ

Þessi uppskrift er frá henni Lucy í Attic24 og þar er hún búin að skrifa og taka myndir af ferlinu, hvernig á að hekla hann. Garnið sem að ég notaði er frá Handprjón.is og er þessi litur víst kallaður Gaypride. Það er alveg ótrúlega gaman að hekla úr þessu garni og konurnar í félagsstarfinu eru að prjóna mikið úr því líka.

Eftir nokkur ár með ofnæmi sem ég að sjálfsögðu vissi ekkert fyrir hverju, er ég loksins búin að komast að því að ég er með ofnæmi fyrir lopa, hafið þið heyrt annað eins. :( En það þýðir ekkert að væla og svo á ég góðar vinkonur sem hægt er að díla við. ;þ Einni vantaði bók frá Amazon og ég keypti hana og hún prjónaði Nínu tösku fyrir mig í staðinn. Þessi er dökk græn og bleik og kemur ágætlega út. Ég er ekki alveg sátt en hlít að geta hresst upp á hana með einhverju móti.

Þetta er sjal eða trefill sem er kallaður Wing span, ég fékk uppskriftina á netinu í gegnum Wendy knits sem er hér til hliðar. Það er voða gaman að prjóna þetta sjal og garnið er skemmtilegt í allskonar bláum litum. Ég hef ekki verið hrifin af bláum lit hingað til en er að reyna að sættast við hann. Þetta er nú bara nokkuð fallegt, en ég ætla nú sammt að gefa mömmu minni þetta. ;þ

Ég ætla ég að láta fylgja nokkrar myndir frá prjónakaffinu okkar hér í Borgarnesi, sem er öll þriðjudagskvöld frá kl 20 til 22.

Hér sjást Sísí, Hulda og Rasa

Júlíanna, Gunna, Svava í Görðum, Steinka og Margrét Ástrós

Maja (Mæja) Hulda mamma Huldu og Sísí

Það er kominn lítill prins

Núna í desember vorum við konurnar að prjóna prinsateppi og það átti að vera búið einhvern tíman í mars. Ég átti nú von á litlum prins í mitt teppi í byrjun febrúar, svo að ég varð að prjóna aðeins hraðar. Þegar að ég var svo rétt búin með teppið,  þá gerði hann sig líklegan til að koma í heiminn. Á föstudaginn var 27. janúar 2012 kom hann svo með stæl, það munaði bara mínútum að hann kæmi í sjúkrabílnum. ;þ

Amma átti að fá að vera viðstödd fæðinguna, en þar sem amma á heima í Borgarnesi og litli prins á suðurnesjum og hann var að flýta sér svona mikið (2 tímar frá því að verkirnir komu þar til hann var kominn í heiminn) þá náði amma ekki. En það er nú allt í lagi því að allt gekk vel og amma var komin stuttu seinna og fékk að sjá hann alveg nýjan.

Fallegi litli prinsinn hennar ömmu sinnar.