Handavinnan mín

Það er kominn lítill prins

2012-02-03T05:26:00.000-08:00

Núna í desember vorum við konurnar að prjóna prinsateppi og það átti að vera búið einhvern tíman í mars. Ég átti nú von á litlum prins í mitt teppi í byrjun febrúar, svo að ég varð að prjóna aðeins hraðar. Þegar að ég var svo rétt búin með teppið, þá gerði hann sig líklegan til að koma í heiminn. Á föstudaginn var 27. janúar 2012 kom hann svo með stæl, það munaði bara mínútum að hann kæmi í sjúkrabílnum. ;þ

Amma átti að fá að vera viðstödd fæðinguna, en þar sem amma á heima í Borgarnesi og litli prins á suðurnesjum og hann var að flýta sér svona mikið (2 tímar frá því að verkirnir komu þar til hann var kominn í heiminn) þá náði amma ekki. En það er nú allt í lagi því að allt gekk vel og amma var komin stuttu seinna og fékk að sjá hann alveg nýjan.

Fallegi litli prinsinn hennar ömmu sinnar.

Janúar

2012-01-23T04:39:00.000-08:00

Gunnar minn átti stórafmæli 6. janúar og við fórum á Akureyri frá fimmtudegi til mánudags. Á afmælisdaginn sjálfan fórum við til manns sem heitir Siggi og hann fór með okkur á snjósleða, sem var náttúrulega bara æði og Gunnar minn elskar.

Ég prjónaði peysu á hann sem tók óra tíma að prjóna svona í felum. ;Ð En svo þegar að ég ætlaði að sýna ykkur hana þá fatta ég að það var engin mynd tekin af henni. Það er allt í lagi því að ég sýni ykkur hana bara seinna. Þessi steinn sem að ég gaf honum líka er allur málaður með húsdýrunum, sem að er viðeigandi þegar að eigandinn er dýralæknir.

Þetta er svo annar steinn sem að ég stóðst ekki og keypti líka, hann er mikið minni og passar ágætlega í eldhúsgluggann minn.

Allar hliðar á steininum.;Ð

Þetta er ég að prófa að hakla úr sprengdu garni sem er í svo flottum litum. Þetta er púði sem að Bellan mín gæti notað á rúmið sitt. Uppskriftina fékk ég hjá Lucy í Attic24.

Hún á líka þessa uppskrift, sem að ég var að prófa. Þið ættuð að kíkja á hana, hún er alveg frábær og gerir uppskriftir líka.

Þetta er svo peysa sem að ég er að prjóna á sjálfa mig. Hún er öll út í munstri sem að er ferlega gaman að prjóna. Ég er að prjóna hana úr Dala Falk á prjóna nr 4. en þeir gefa upp nr. 4 1/2.

Nærmynd af munstrinu.

Þetta er ermin af peysunni hans Gunnars sem að ég gaf honum í afmælisgjöf. Hún er frá Anette Danielsen. (veit ekki hvort að þetta er rétt skrifað) Frábær peysa og gaman að prjóna hana, en rosalega mikið verk.

Bestu kveðjur úr Borgarnesi

Edda Soffía

2011-12-31T05:48:00.000-08:00

Guð gefi ykkur

Gleðilegt nýtt ár

og takk fyrir allt liðið.

kveðja úr Borgarnesi

Edda Soffía

Gleðileg jól

2011-12-23T04:21:00.000-08:00

Ég óska öllum gleðilegra jóla og vona að friður og gleði fylgi ykkur yfir hátíðarnar.

Birgitta mín og hennar fjölskylda eru að koma til okkar og ætla að eyða hjá okkur aðfangadegi og svo verður farið til Ölmu systir á jóladag. Við Gunnar erum að mestu ein þessi jól því að litlu stelpurnar mínar eru hjá pabba sínum í Ameríku. En við höfum nú alltaf litlurnar hans og því erum við ekki alltaf ein, við skiptumst á við mömmu þeirra.

Ég má til með að segja ykkur klaufalega sögu. Þannig er mál með vexti að nýja saumavélin mín bilaði og hún hefur því verið á verkstæðinu í langan tíma ( það finnst mér að minnst kosti) ´Eg var sem sagt ekki alveg búin með jólagjafirnar þegar að hún bilaði.

Í gær fór ég svo að ná í vélina og byrjaði auðvitað strax að sauma, í morgun fór ég svo niður þegar að ég vaknaði og ætlaði að gera síðustu gjöfina, nefnilega sængurver fyrir Birgittu mína og hennar mann. Þau eru með stóra sæng og því gerði ég fjölskyldu nafnið þeirra í mitt verið. allt gekk svo vel og stafirnir voru þrílitir og voða flottir, ég tók þetta upp og fór að brjóta sængurverið saman og tók þá eftir því að ég snéri Warren nafninu ÖFUGT. Hafið þið vitað annað eins. :(

Klaufi sem ég get verið.

Bestu jólakveðjur

Edda Soffía

Litla kisa og saumaskapur

2011-12-02T01:59:00.001-08:00

Hérna er litla kisa að láta fara vel úm sig í Giðingnum gangandi, einhver misskilningur hér á ferð. Hún var allveg viss um að við hefðum sett og ræktað þetta blóm fyrir sig. ;þ En svona uppdeit á blólmið, þá er það farið, ég henti því og þá þarf ekkert að hafa áhyggjur af því. ;þ Kisa alltaf jafn mikið krútt.

Þetta eru handklæði sem að ég er búin að vera að gera á nýju saumavélina mína og trúið þið mér þetta er bara smá partur af öllum staflanum á borðinu hjá mér. ;þ Ég held að ég sé búin að gera einhver 20 handklæði fyrir utan allt hitt, en þetta er

SVOOOOO gaman. ;Þ

Á miðvikudögum hittumst við vinkonurnar í Svuntunum og saumum bútasaum. Þetta átti auðvitað ekki að vera í hverri viku en svona endaði þetta, ja allavegana fyrir jólin, því að þá er svo margt fallegt hægt að gera og við alltaf með eitthvað sniðugt sem einhverri af okkur hefur dottið í hug. Í gær kom t.d. Maja með þetta pottaleppa snið og ég vann við þetta í allt gærkvöld (og gat ekki klárað) en ætla að vera í skúrnum mínum í dag til að klára. Þeir eru svo sætir þegar að þeir eru búnir. ;Þ

Bestu kveðjur úr Borgarnesi

Edda Soffía

Ég er hérna ennþá ;þ

2011-11-16T03:05:00.001-08:00

Um daginn var ég að suma eitthvað fallegt á gömlu sumavélina mína (sem er ekkert gömul) þá birtist allt í einu nýji meðlimur fjölskyldunnar og þurfti smá athygli.

Ég mátti til að taka mynd af litlu kisu, þar sem hún stillti sér upp fyrir framan saumavélina og fannst alveg að ég gæti talað við hana eins og að vera að sauma. ;Ð En svo var ég ekkert spennandi lengur þegar að ég var komin með myndavélina og ekkert hreifðist lengur, svo að hún fór bara að horfa út um gluggan. Litla kisa kom til okkar þegar að maðurinn minn átti að aflífa hana en við féllum alveg fyrir henni og björguðum henni. Hún á að heita Björg, en af einhverri ástæðu festist það nafn ekki við hana og því er hún alltaf kölluð litla kisa. Hún er allveg frábær, kelin og góð og svo malar hún svo hátt að ég kalla hana stundum Malla litla. ;þ

Nú er ég semsagt búin að fá nýja útsaumsvél sem er náttúrulega allveg frábær. Ég er búin að vera að æfa mig á öllum útsaumnum og læra á hana alla daga, en á langt í land að vera orðin góð. Ég ætla að setja inn mynd af einhverju sem að ég er búin að vera að æfa mig á fljótlega svo að þið getið séð hvað gripurinn getur gert. ;þ

Bestu kveðjur úr Borgarnesi

Edda Soffía

Bútasaumur í eldhúsið

2011-04-17T08:27:00.000-07:00

Ég er búin að vera að sauma utan um hrærivélina mína. Ég fór á námskeið hjá Guðrúnu Erlu um daginn og þar sem við erum utan að landi þá fórum við snemma í höfuðborgina vinkonurnar. Við komum við í Quilt kistunni og þangað var mikið gaman að koma. Ég keypti eitthvað af ljósum efnum (sem eru í miklu uppáhaldi hjá mér núna) og svo keypti ég líka munstur utan um hræivélina mína. Svo saumaði ég þetta núna og er svo ánægð með þetta.

Námskeið hjá Nálinni

2011-02-19T05:32:00.000-08:00

Nú er ég komin aftur eftir smá hlé.

Ég fór á námskeið hjá Nálinni um síðustu helgi. Það var gestakennari, enginn annar en hönnuðurinn Anette Danielsen sem er bara frábær, þar er ekkert annað orð sem ég get sagt til að lísa henni (sjáið þið peysuna sem hún er í, bara góð).

Við vorum látnar gera 10 prufur og ekkert af þeim var eitthvað sem ég hafði gert áður.

Helga í Nálinni var alveg frábær og er ein af uppáhalds konunum hjá mér þessa dagana. ;þ

Við fórum þrjár vinkonurnar saman, en þar sem við Sísí (í Handavinnubúðinni í Borgarnesi) vorum á öðru námskeiði á föstudagskvöldinu og komum því seint, þá sátum við ekki með Mæju (hún vill láta skrifa þetta svona). En það gerir víst lítið til því að þá kynnist maður bara fleira fólki. ;þ

Og svo sat Mæja hinumegin í stofuunni svo að við gátum fylgst með henni. ;þ

Við lærðum allveg helling þessa helgi og komum ánægðar heim.

Bestu kveðjur úr Borgarnesi

Edda

2010-12-25T15:04:00.000-08:00

Gleðileg jól

Jólakúlur

2010-12-08T04:50:00.000-08:00

Ég er búin að vera að prjóna jólakúlur úr bók sem ég keypti mér frá Noregi. Það eru 55 munstur í þessari bók og hver annari skemmtilegri.

Hreindýr

Jólasvín

Íkorni

Hjörtu

Og meiri hjörtu

Það er nú ekkert sérstaklega gaman að taka myndir í dag því að birtan er ekki góð, en þið sjáið hvað þetta er skemmtilegar kúlur.

Hérna sjáið þið bókina sem ég er að prjóna upp úr.

Kveðja úr Borgarnesi

Edda

2010-12-05T07:01:00.001-08:00

Í dag fór ég á námskeið hjá Helgu í Nálinni. Við vorum að læra að sauma út i loftið ;þ Nei ekki kanski alveg, en við vorum semsé að gera jólastjörnur með Hedebro (ekki rétt skrifað örugglega) Rosa gaman og flottar stjörnur saumaðar með hör tvinna og því er þetta mjög fínleg vinna.

Þegar ég kom heim þá kláraði ég hring sem ég var að gera í gær. Ég er búin að vera að safna í hann í hvert sinn sem ég fór í Húsasmiðjuna eða eitthvern staðar þar sem seldar voru kúlur og skraut sem ég gat notað í hann. nú er hann búinn og ég er ægilega ánægð með þetta og hann er mikið fallegri heldur en hann er á myndinni því að hann glansar svo flott og svo eru litirnir ekki nógu góðir á myndinni.

Ég er líka búin með englalöberinn minn sem ég var að gera í bútó. Hann er rosa flottur finnst mér. Það er svo fínlegt og skemmtilegt að setja svona blúndu í kringum hann. Ég er búin með annan löber en hann er ekki til sýnis fyrr en eftir jól. ;þ

Nú er ég búin að kaupa mér bókina góðu sokkar og fleira og finnst hún alveg frábær. Ég er búin að prjóna sokka í fleiri ár og gerði alltaf sama bandhælinn eða Halldóruhæl eins og hann er yfirleitt kallaður. Nú er ég aftur á móti allveg á fullu að læra nýja hæla og er búin að gera stundaglasa hæl og franskan hæl og er bara hrifin af þessu.

Nú verð ég að fara og gera eitthvað fyrir jólin eins og t.d. að baka smákökur.

Bestu kveðjur úr Borgarnesi

Edda

Handavinnan á dagskrá í dag

2010-11-25T06:16:00.000-08:00

Ég er búin að vera voða dugleg í handavinnunni þó svo að ég hafi ekki verið að blogga um neitt sérstakt.

Ég hafði ákveðið að prjóna á nokkur af barnabörnunum mínum fyrir jólin. Ég gerði vesti á Diamond og Kobe og peysu á Bellu, allt í sama munstri og lit, svo komu Árni og Sigga Eva með litla Birkir og þeim leist svo vel á vestin að ég er að gera á hann núna. Peysan hennar Bellu minnar var svo mikið verk (eða alla vegana var ég svo lengi að prjóna hana) að ég hef ekki prjónað mikið annað en það núna undanfarið.

En þó svo að ég sé ekki að prjóna þá er ég að bútast alveg á fullu og nýjasta verkefnið sem ég er að gera er þessi löper. Ég var búinað sjá svo marga svona á bloggum og þá sérstaklega frá Noregi. Þetta er snið eftir AnnaKa og við slóum þrjár saman og pöntuðum okkur nokkur snið frá Lappedilla. Þau eru hvert öðru fallegra og ég er líka byrjuð á uglulöper sem ég ætla að gefa í jólagjöf.

Ég er nú ekki alveg búin með þennan löper,á eftir að setja bindinguna utanmeð og sauma aðeins í höndunum, en ég ákvað að sýna ykkur þetta strax.

Svo eru það nú blessaðir hexagonarnir mínir. Þeir eru nú orðnir sjö talsins. Í upphafi ætlaði ég að hafa þá alla frekar litlausa (pastel) og ljósa en þeir eru nú að breitast hjá mér eins og þið sjáið ;þ

Nú ætla ég að drífa mig upp að sauma meira.

Bestu kveðjur úr Borgarnesi

Edda

Hexagon miðvikudagur aftur

2010-11-17T13:34:00.000-08:00

Ég skammast mín nú fyrir að sýna þetta, en ég er búin að vera að gera annað undanfarið. Ég er allavegana búin að gera fjögur blóm og vonast til að vera duglegri á komandi vikum. Í síðustu viku gerði ég þessi tvö blóm sem hafa bæst við og ekkert í þessari viku svo að það er eitt blóm á viku núna. ;þ

Ég er að vinna að teppi frá Virku og hef fengið tvo pakka á tveggja mánaða fresti og hef ekki verið mjög dugleg við. En nú er ég sem sagt að klára það teppi, ásamt öllu því sem ég er að prjóna auðvitað, en engar myndir eins og er, en ég bæti það nú upp þegar ég verð í stuði næst.

Kveðja úr Borgarnesi

Edda

Hexagon miðvikudagur

2010-11-03T13:14:00.000-07:00

Ég ætla að gera löber í eldhúsið hjá mér og þarf að gera 29 hexagon blóm. Þetta er auðvitað ekkert mál hjá sumum, en hjá mér er þetta stórmál. Ég hef aldrei gert hexagon áður og er svo hrædd um að ég geri þetta ekki, svo að ég skráði mig inn á hexagon miðvikudaga á netinu. Þetta er gott því að ég verð að gera allavegana eitt hexagon blóm á viku. Það tæki mig 29 vikur, svo að það er eins gott að ég geri nokkur á viku ;þ svo að þetta verði einhvern tíman búið.

Bestu kveðjur úr Borgarnesi

Edda

Bútasaumur

2010-10-25T05:31:00.000-07:00

Um mánaðarmót september, október fór ég á Löngumýri í Skagafirði og þar var að sjálfsögðu feiknar mikið fjör. Við Maja vorum fyrstar þangað, komum um fjögur (smá misskilningur hjá okkur) þetta átti ekki að byrja fyrr en kl sex. En hvað um það okkur var vel tekið og við náðum góðum borðum til að vinna á.

Ég var með sögu á i-potinum mínum og var í eigin heimi mest alla helgina, með undantekningum að sjálfsögðu. ;þ

Þarna var unnið frá því að maður vaknaði, svona um 8:30 á morgnana og fram á miðnætti og þess á milli gekk munnurinn á manni því að það var svo yndislega vel hugsað um okkur í mat.

Það var að sjálfsögðu óvissuverkefni þarna og meira að segja tvö. Fyrsta var ótrúlega sniðugir inniskór sem að við ætluðum aldrei að fatta hvað væri. hahaha...

Svo vorum við látnar velja bakgrunn og var hann annað hvort dökkur eða ljós, ég valdi ljósan. Ég átti að sjálfsögðu ekki nógu mikið af efni til að koma með það sem þurfti svo að ég keypti pakka frá Kristrúnu í Quiltbúðinni og það var svolítið sniðugt því að þar voru efni sem ég hefði aldrei valið sjálf, en komu mjög vel út. Ég náði að klára teppið mitt eins og flestir gerðu. Ótrúlega gaman að gera heilt teppi á einni helgi ;þ

Hérna sjáið þið svo óvissu verkefnið mitt, það var hægt að raða þessu upp á svo marga vegu að það var ótrúlegt að sjá.

Núna um helgina fór ég svo að skera niður í flóafárið mitt sem ég keypti í fyrr á árinu. Ég ætlaði bara að skera niður í teppið því að við erum að endurvekja Bútasaumsfélagið hérna í Borgarfirði og ég þurfti að hafa eitthvað að gera á miðvikudagskvöldið þegar við komum saman. En, hvað haldið þið að ég hafi gert ;Ð Ég gat ekki annað en prufað eina línu, svona bara til að sjá hvernig þetta kæmi út og þá gat ég náttúrulega ekki hætt og ég kláraði toppinn í morgun. ;þ Hérna sjáið þið svo hvernig mitt flóafár kom út.

Núna verð ég að fara í Virku og kaupa mér eitthvað að gera fyrir miðvikudagskvöldið. En ég þarf líka að fá mér vatt og efni í bakið á báðum teppunum mínum.

Á Löngumýri lærði ég að stinga í vélinni minni og því ætla ég að reyna við svoleiðis glannaskap.

Annars finnst mér Flóafárið vera helst til of lítið ég held að ég reyni að setja eitthvað til að lengja það, en ég veit ekki hvernig ég fer að því.

Bestu kveðjur úr Borgarnesi

Edda Soffía

Jólavestin á strákana

2010-10-15T13:43:00.000-07:00

Mér datt nú svona í hug að þið hefðuð gaman af því að sjá útsýnið hjá mér hérna í Þórðargötunni. Ég fór út á svalir og tók þessa mynd , en ég sé þetta líka út um stofugluggan minn. Ótrúlega flott útsýni hérna.

Nú er ég að gera vesti handa litlu körlunum hjá mér fyrir jólin. Ég hef ákveðið að þrír minnstu mennirnir verði í rauðu vesti um jólin. ;þ Mömmurnar samþykktu það sem betur fer. hjúkk... Jæja en nú er Kobes búið og Diamonds næstum búið og ekki til meira rautt Dalagarn í Borgarnesi, svo að ég verð að bíða með Birkis vesti þar til í næstu viku eða svo.

Litlir pokar

2010-09-18T05:41:00.000-07:00

Sjáið þið hvað þessi er flottur. Ég er í poka hekli núna og er að nota afganga sem að ég á. Þetta er Katia garn frá Quiltbúðinni á Akureyri. Ég gerði mér peysu úr þessu garni um páskana og átti svolítinn afgang. Þessa poka er alveg frábært að hafa við prjónastólinn sinn og setja afklippurnar í þegar verið er að ganga frá endum. Nú svo er auðvitað hægt að nota þetta undir sápur inn á baði eða hvað sem er. Bara flott.

Leiðrétting

2010-09-17T07:27:00.000-07:00

hahha

Ég er svo rugluð stundum. Ég var að lesa póstinn frá því um daginn og sá að ég var að lísa því yfir að tengdó væri dáin og ég hafði fundið hekluprufu í kistunni hennar. Auðvitað fann ég þetta ekki í kistunni hennar, heldur í þessum kisli sem ég veit aldrei hvað ég á að kalla. Þetta er semsagt saumakistan hennar. ;þ Rugluð, en nú vitið þið semsagt hvað ég var að tala um.

Bestu kveðjur Edda

Haustið komið og tími til að blogga

2010-09-13T06:20:00.000-07:00

Nú er haustið komið og félagsstarfið byrjað aftur og ég í handavinnunni. Auðvitað er ég búin að vera að prjóna og hekla í allt sumar, en ekki búin að vera eins dugleg að setja það hérna inn og ég hefði getað. ;þ

Sumarið er náttúrulega búið að vera alveg sérstaklega gott og ég sem fékk nýjan pall í byrjun sumars, er búin að vera úti alla daga. Við erum líka búin að vera á ferðalögum og svoleiðis, en ekki eins mikið og við hefðum getað. Hérna í Borgarfirðinum er búið að vera besta veðrið svo að við tímdum ekki að fara langt.

Núna í augnablikinu er ég alveg að tapa mér í heklinu og púðarnir, dúkarnir og teppin ganga undan mér á færibandi. Ég var að klára þessa púða núna í síðustu viku og í dag. Þessi græni er í sérstöku uppáhaldi hjá mér, en ég er ekki viss um hvort að ég hefði átt að hafa pífuna í kring stærri. Hvað finnst þér?

Ljósbrúni púðinn er líka voða sérstakur út af munstrinu sem er í honum. Ég fékk það hjá tengdamömmu í kistunni hennar (tengdó er dáin svo að hún gat ekki kennt mér þetta sjálf). Ég var búin að vera að reyna að gera svona munstur sem ég hafði séð í Laufásbænum í sumar og var ekki alveg viss hvernig það væri, þegar ég fann litla prufu í kistunni hennar Sigurlaugar minnar og þannig varð þessi púði til.

Svo er líka svo gaman aðgera þennan nálapúða, að ég mátti til með að gera annan og er með þriðja nálarpúðann í huganum sem ég ætla að gera.

Bestu kveðjur

Edda

2010-07-01T07:26:00.000-07:00

Þessi peysa er búin loksins. Ég er búin að vera svo lengi með hana vegna þess að ég fékk svo í axlinrnar þegar ég var að prjóna hana. En semsagt Diamond fær hana á sunnudag þegar Bellan á afmæli. Ég held að hún verði bara nokkuð fín þegar hún er orðin þurr, ég tók myndina af blautri peysu. Við sjáum til þegar litli karl mátar hana.

Um daginn prófaði ég að gera svona nálapúða. Hann er heklaður og lítið mál að gera hann og því ætla ég að sýna konunum í Félagsstarfinu í vetur þetta. Garnið keypti ég á Spáni í fyrra sumar, bómullargarn sem gott er að vinna með og skiptir um lit með reglulegu millibili. Það er nú ástæðan fyrir því að ég er ekkert voða hrifin af að prjóna úr þessu garni því að það verður allt röndótt en í svona verkefni gerir það lítið til.

Bútasaumur og fleira

2010-06-24T13:36:00.001-07:00

Um daginn saumaði ég mér tösku úr Quiltbúðinni. Ég sá konu sem var að sauma svona tösku og langaði strax í svona. Ég pantaði mér pakka og saumaði eina strax. Ég er alveg ánægð með hana og finnst hún voða falleg, en... (alltaf), Hún er svo löng og mjó einhvern veginn. Æ maður getur alltaf fundið eitthvað að öllu. Litirnir eru akkúrat fyrir mig og blómin alveg frábær og svo stakk ég þau í vélinni minni.

Ég er líka að myndast við að gera svona veski undir prjónana mína og gengur ágætlega núna. Ég var búin að sauma þetta allt og líkaði ekki við það sem að ég var búin að gera. Einn daginn vaknaði ég og vissi hvað ég ætti að gera. Spretta öllu upp. Já öllu nema körfunni, kisu og hnyklunum. Haldfangið var allt og stutt hjá mér og handsaumurinn ekki nógu vel gerður og allt þar fram eftir götunum. Nú er ég sem sagt búin að þessu og get haldið áfram að sauma og gera fínt. ;o) Takið eftir að ég var að prófa að sauma nafnið mitt í saumavélinni minni, voða fínt en aðeins of fínlegt fyrir bútasaum finnst mér.

Núna um helgina fer ég á Blönduós á námskeið í útsaum ( það veitir ekki af að læra það). Ég er voða spennt að fara þetta og Gunnar minn ætlar að koma með mér til þess að ég sé ekki að keyra þetta ein. Við ætlum að leigja okkur lítið hús og skreppa á Sauðárkrók á laugardagskvöldið í afmæli. Gunnar á frænda á Skagaströnd og heimsækir hann sennilega á meðan að ég er að sauma. Ég held að þetta verði voða skemmtileg og góð helgi hjá okkur.

Fullt af nýrri handavinnu

2010-06-23T04:51:00.000-07:00

í vor þegar Helga mín kom með strákana sína heim, þá vantaði litla gæjanum mínum lopapeysu. Af því að amma á heima í sveitinni (næstum því) þá gerði hún lopapeysu með traktorum handa litla prinsinum sínum. Helga valdi litina og peysan kom bara nokkuð vel út hjá mér og Kobe er búinn að nota hana mikið.

Isabella mín á afmæli 4. júlí og amma hefur alltaf reynt að prjóna eitthvað handa henni í afmælisgjöf. Í ár var þetta eitthvað erfitt hjá ömmu svo að mamma hennar Bellu valdi hvað ég gæti prjónað á hana. Fyrir valinu varð svo þetta pils, sem er algjört æði. Liturinn átti að vera í turkis, en amma átti þetta bómullargarn í lillabláu og af því að Bellan er svo hrifin af lillabláu þá gerði amma svoleiðis á hana. Það er nú ekki hægt að láta mömmu ráða öllu. ;o)

Bellan á svo lítinn bróðir sem verður að fá eitthvað frá ömmu líka, þó að hans afmæli sé ekki fyrr en í endann á desember þá er amma að gera stutterma peysu á hann. Hún er prjónuð í Mandarin Petitt á prjóna nr. 3 og þetta er að fara eitthvað illa í axlirnar á mér, greyið gamla konan. ;o) En hún er nú að verða búin núna. Ég er búin með afturstykkið og er á framstykkinu. Svo eru bara stuttar ermar, önnur röndótt og hin græn með bláum garðaprjóns kant.

Ég vona að þið eigið góðan dag

17 júní

2010-06-17T06:22:00.000-07:00

Gleðilega þjóðhátíð góðir íslendingar.

Stjörnuheklað teppi

2010-06-09T10:37:00.000-07:00

Nú er kominn langur tími síðan ég var hérna síðast, eða kannski ekki síðan ég var hérna síðast því að ég fer alltaf reglulega hingað að skoða bloggið hjá öðrum en ekki komið mér í að skrifa nokkuð hérna í langan tíma.

Ég er búin að vera að prjóna og hekla alveg á fullu og reyndi að klára sem mest af þessum verkefnum sem ég átti í körfunni minni.

Febrúar peysan sem að ég var alltaf að reyna að klára en var ekki sátt við, er búin. Hún er ekki ljót, en þegar ég fer í hana þá er ég eins og skúta fyrir fullum seglum (eða fjölskyldu tjald). Hún er sem sagt allt of stór og þykk. Prjónuð úr léttlopa en hefði átt að vera prjónuð úr einhverju fínu á prjóna nr t.d. 3 1/2, það hefði kannski gert hana svolítið fínlegri. Svo er ég nú þeim ósköpum gædd að ég held alltaf að ég sé mikið stærri en ég er og prjóna allt svo stórt á mig. Hvað er það nú kallað? Anorexia.. humm nei það getur ekki verið því að það er svo gott að borða, en eitthvað er að mér í hausnum að gera alltaf svona stórt á mig. ;o)

Ég hafði það af að klára teppið mitt góða sem á að fara í fellihýsið okkar. það tók ekki langan tíma þegar ég tók mig til loksins. Það er heldur stórt, en þá er það bara betra og hylur meira af kroppum. :o)

Mæðradagurinn í dag

2010-05-09T04:35:00.000-07:00

Til hamingju með daginn.

Þæfingar námskeið

2010-04-15T06:03:00.000-07:00

í þessari viku hef ég verið á námskeiði í þæfingu hjá Snjólaugu í Brúarlandi og lært mikið. Við gerðum allar tösku og vorum allar hver annari ánægðari með töskurnar okkar.

Ég valdi dökk gráan lit á mína tösku og var svona pínu stressuð að hún væri kanski svolítið plein, en svo þegar ég fór að setja munstur á hana og tölu , sem er steinn rosa flott, þá kom hún svona líka flott út eins og þið sjáið.

Ég var búin að setja græna litinn á hana og fannst hún ekki vera að gera sig þegar ég var að pakka niður til að fara heim, þá setti einhver laxableikt (eða appelsínugult) á hana og þegar ég kom heim setti ég það á og þar með var ég ánægð.

Bestu kveðjur

Sokkar á tvo prjóna.

2010-04-14T05:09:00.000-07:00

Jæja nú ætla ég að sína ykkur sokka sem ég prjónaði um daginn. Þeir eru prjónaðir á tvo prjóna og eru svo auðveldir að krakkarnir geta auðveldlega prjónað þá.

Ég fékk uppskriftina í vinnunni í haust og ætlaði alltaf að prjóna svona fyrir konurnar til að sína þeim þetta. Nú er ég semsagt búin og það tók nákvæmlega til R-víkur að prjóna annan og heim fyrir hinn. Ég saumaði svo saman einn sokkinn og hef hinn ósamansattan til þess að þær sjái hvernig þetta er gert.

Ég veit ekki hver gerði uppskriftina og því þori ég ekki að setja hana hérna á bloggið en ef þið hafið áhuga þá hefið þið bara samband við mig.

Bestu kveðjur

Fallegir vettlingar

2010-04-13T06:03:00.000-07:00

Um daginn gerði ég heklaða vettlinga á Ameliu eins og ég gerði á Löngumýri. Þeir voru svo fallegir á litinn, fjólublár tvöfaldur lopi, voða sætur. Á meðan ég var að hekla þá fór hugurinn á flakk og ég sá fyrir mér blúndur koma upp eins og það væru aðrir vettlingar innundir. Svo sá ég líka fyrir mér blóm og laufblöð og fallegar perlur. Nú eins og þið sjáið þá varð þetta allt til í höndunum á mér og ég er ægilega ánægð með útkomuna. Fallegir vettlingar og Soffía frænka ánægð, það gerist ekki betra. :O)
Ég fór með þá í vinnuna og konurnar mínar voru alveg heillaðar. Ég lét eina konuna vera handmótel og hún var alveg frábær í því. Hver segir að þú verðir að vera 20 ára til að vera mótel ;o) þessi er á níræðis aldri.

Helgin mín góða í Skagafirðinum.

2010-03-22T06:26:00.000-07:00

Jæja nú ætla ég að segja ykkur aðeins frá helginni góðu á Löngumýri í Skagafirði.
Við komum á fimmtudagskvöldi, fjórar úr Borgarnesi, saman í bíl. Það var auðvitað voða gaman hjá okkur og góð stemming í bílnum, mikið prjónað á leiðinni, spjallað og hlegið. Við stoppuðum á nokkrum stöðum til að bílstjórinn gæti rétt úr sér og borðuðum svo í Varmahlíð.
Þegar við komum á staðinn þá voru flestar komnar sem ætluðu að koma á fimmtudagskvöldið og við helltum okkur strax í prjónið og spjallið langt fram á nótt.
Daginn eftir var ég sennilega eitthvað stressuð að ég gæti misst af morgunmatnum sem átti að byrja kl 9:00, nú ég var komin í biðstöðu kl 7:30. Vöknuð og búin að gera mig sæta. Þá var bara að prjóna og tala þar til morgunmaturinn var tilbúinn og svo prjóna meira og borða meira þar til um kvöldið þegar allar voru mættar þá hófst formleg dagsskrá.
Kristrún var alveg frábær og sýndi okkur hvað hún hafði fyrir okkur að gera. Flestar byrjuðu svo þarna um kvöldið á “Möbíus„ kraga, sem ég hafði ekki séð fyrr. Hún var líka með alveg frábært garn á frábærum stað (fyrir hana), þar sem við þurftum alltaf að labba framhjá borðunum þegar við fórum inn í herbergi eða á klóið. Svo að það var að sjálfsögðu mikið verslað af garni og öðru nauðsynlegu sem tilheyrir prjónaskap. Ég verslaði mér rauðan lit í minn Möbíus og er svaka ánægð með hann. það er svolítið skrítið að prjóna þetta því að maður hefur aldrei gert svona áður að prjóna í tvöfaldan hring. En þetta er alveg svaka flott og ég ánægð. Hérna sjáið þið þennan flotta kraga minn. ;o)

Ég var svo ánægð (eins og þið sjáið) með litinn sem ég valdi að ég keypti mér eina dokku í viðbót og lærði að hekla vettlinga með keðjulykkjum. Alveg frábærir og svo gaman að hekla þá. Ég gat ekki tekið mynd af báðum höndum í einu þar sem ég þurfti að halda á myndavélinni í hinni hendinni, ;o) en hér sjáið þið hvað þetta er flott og garnið alveg frábært, mjúkt og yndislegt.

Þarna voru líka allskonar prjóna uppskriftir og ein var af þessari peysu að ofan. Þ.e.a.s. ég byrja að prjóna að ofan. Garnið var að sjálfsögðu keypt í einni klósett ferðinni og kemur mjög vel út að ég held. það er gott að prjóna úr þessu, bómull og mjög mjúkt. Skiptir skemmtilega úr einum litnum í annann. Ég er að sjálfsögðu búin að rekja þessa peysu upp einu sinni, því að ég var ekki ánægð með munstrið sem ég valdi, en nú er ég búin með búkinn og bara ermarnar eftir.

Við gátum farið á allskonar námskeið sem þær kenndu Kristrún og Sísa, t.d. gimb, allskonar stroff, rússneskt hekl o.fl. Þetta var að sjálfsögðu nýtt af allflestum konunum og komum við fullar af hugmyndum og áhuga heim á sunnudeginum.
Frábær helgi og við mætum aftur að ári á Löngumýri í Skagafirði.

Kveðja úr Borgarnesi.

2010-03-08T06:23:00.000-08:00

Núna um helgina er ég að fara svo spennandi. Við erum fjórar konur úr Borgarnesi sem erum að fara á Löngumýri í Skagafirði frá fimmtudagskv. til sunnudagskvölds. Spennan vex og við erum búnar að vera að undirbúa okkur, þ.e.a.s. við þurfum að koma með eitt og annað með okkur og gera smá heimaverkefni. Heimaverkefnið er hálfnað, en það er svo lítið að það tekur enga stund að klára. þetta er óvissuverkefni og heldur skrítið, við eigum að gera átta tígla og koma svo með annan lit með okkur, hummm spennandi.
Svo á líka að kenna okkur fallegan frágang á peysum, svo að ég er búin með “Grámhildi góðu„ aftur. ;o( lol Þannig er mál með vexti að ég var búin að prjóna þessa peysu, (gerði það á leiðinni og í Ameríku) en þá fannst mér hún vera allt of stór á mig og ermarnar of þröngar svo að það var ekkert annað að gera en rekja hana upp og prjóna aftur en þá minni búk og stærri ermar. Þetta er nú allt í lagi, það er nú einu sinni kreppa, er það ekki. ;O) (Pollíönnu aðferðin) Hérna getið þið séð peysuna góðu sem á eftir að ganga svona vel frá á Löngumýri.
Kveðja frá Borgarnesi

Lítil peysa á stórann strák.

2010-03-05T12:13:00.000-08:00

í jólagjöf fékk ég diskinn Prjónum saman. Þar sýndi Ragnheiður hvernig á að prjóna þessa peysu. Það er byrjað efst og svo endar maður á því að prjóna ermarnar. En það er ekki það sem ég var svo hrifin að, heldur er kantur

meðfram allri peysunni sem er svo cool. Hann er prjónaður um leið og peysan og rúllast upp einhvernvegin. Jæja allavegana þá gerði ég þessa peysu og hún átti að vera á litla kútinn hennar ömmu, sem er stór eftir aldri tveggja ára gutti. Þegar ég var búin með peysuna þá passaði hún á svona 3 mánaða barn. ;o) Ekki gott. En hún er voða falleg og liturinn kom alveg sérstaklega vel út og peysan hangir uppi í Handavinnubúðinni í Borgarnesi, hummmmm..... Þessar myndir eru nú ekkert sérstaklega góðar, en þið getið bara reynt að ímynda ykkur hvað ég er að reyna að sína ykkur. ;o)

2010-03-02T08:34:00.000-08:00

Hæ aftur, nú er ég komin heim og kom með veturinn með mér. ;o) Á fimmtudaginn snjóaði svo mikið hérna hjá okkur í Þórðargötunni að það fór allt í kaf.

Á myndinni sést þegar ég fór út um bílskúrshurðina hjá okkur og snjórinn náði mér í mið læri. ;o) Það var nú aldeilis gaman hjá okkur Karlottu.

Jæja en ég var nú ekki allan daginn úti að moka og leika mér í snjónum, nei ekki aldeilis. Ég saumaði prjónapoka og heklaði litla gamaldags sokka að gamni mínu. Það var kona sem kom í vinnuna til mín og var með svona sokka sem mér fannst svo gamaldags og flottir. Ég fór heim og var eitthvað að gramsa í lítilli prjónahirslu á hjólum sem tengdamamma átti og er full af allskonar sniðugu dóti frá henni. Haldið þið að hún hafi ekki átt svona sokk þarna í einni skúffunni. ;o) Svo að ég dreif mig bara í að prófa að hekla sokkana og þeir eru meiriháttar krúttlegir og sætir, minna svolítið á Viktoríutímabilið sem ég er svo hrifin af.
Kveðja úr Borgarnesi

2010-02-20T18:52:00.000-08:00

Jæja nú er ég hjá Helgu minni í Chicago og fer heim á mánudaginn. Þetta er búið að líða allt of hratt og ég trúi ekki að tvær vikur séu að verða búnar.

Við erum búnar að vera að sauma gardínur fyrir eldhúsið hennar, hún er með tvo glugga einn er lítill og hinn svolítið stærri. Hún vildi grænar gardínur og valdi tvo græna liti sem pössuðu vel saman. Við erum voða ánægðar með þær og finnst þær hafa heppnast vel.

Þessa mynd varð ég að setja inn því að hún Maja mín er svo sniðugur (og óþekkur) hundur, hérna er hún komin undir rúmteppið á hjónarúminu. Svona komum við að henni þar sem hún var búin að koma sér vel fyrir og var steinsofandi. Svo hrítur hún Maja mín svo mikið að það er ekki hægt að sofa í sama herbergi og hún. :o)

Litlu strákarnir mínir eru búnir að vera yndislegir og ég fæ ekki nóg af því að vera með þeim. Ég ætla nú samt ekki að setja myndir af þeim hérna núna en geri það eftir að ég kem heim.

2010-02-03T04:05:00.000-08:00

Eitt af því sem ég ætla að gera fyrir vorið er að klára nokkur ókláruð verkefni sem ég á. Ég byrjaði á þessari peysu síðasta vetur, þetta er febrúarpeysan. Hún er prjónuð úr létt lopa og ég er ekki neitt svakalega hrifin af hvernig hún kemur út. Ég hef samt ákveðið að klára hana og gefa einhverjum hana. Hún gæti lagast ef að ég set fallegar og áberandi tölur á hana.

Þetta teppi byrjaði ég á í haust en varð svo að fara í jólagjafirnar og vinnuna svo að ég ákvað að gera þetta fyrir sumarið í fellihýsið okkar. Þetta er voða fallegt stjörnu mynstur og ég ætla að hafa það í sex eða sjö brúnum litum, ég nota tvöfaldan plötulopa í teppið. Í sumar gerði ég svona alveg eins nema það varð of lítið, en er í fellihýsinu okkar.

Svo er það nú auðvitað græni toppurinn minn sem ég hef gripið í annað slagið þó að ég sé búin að vera í vettlingum og sokkum upp fyrir haus. ;o)

Þar til næst
Kv Soffía frænka

2010-01-30T03:44:00.000-08:00

Nú er ég búin að gera mér prjónabuddu. Ég saumaði saman afganga sem ég átti í fjólubláu og saumaði allskonar skrautsaum í gylltu í rendurnar. Svo til þess að hún væri örugglega ekki bein og skorin þá hallaði ég sniðinu aðeins svo að rendurnar eru á ská. Ég er voða hrifin af prjónabuddunni minn og á eftir að nota hana mikið.
Ástæðan fyrir því að ég fór að gera hana núna, er að daginn eftir að ég kem heim frá U.S.A. þá ætlum við að sauma buddur í féló. Þegar ég ákveð að gera eitthvað með þeim þá vil ég hafa eitthvað til að sýna þeim og þær eru hrifnari af því.

Á fimmtudagskvöldið fór ég í Handavinnubúðina, þar var verið að kenna okkur að hekla rússneskt hekl. Þetta er voða gaman og ég sé alveg fyrir mér fallega liti í teppi í fellihýsið. Ég gerði appelsínugult, rautt og gult. Ég er alltaf að sjá fleiri liti sem færu vel með í teppið en ég má bara ekki vera að þessu núna því að ég verð að vera búin með fleiri vettlinga og sokka áður en ég fer út.

Viðurkenning ;o)

2010-01-29T09:19:00.000-08:00

Takk fyrir að veita mér viðurkenninguna Hellen, ég er svo montin að þú skyldir velja mig. Ég á að setja inn link á þá sem valdi mig og segja sjö staðreyndir um sjálfa mig, svo sendi ég sjö viðurkenningar áfram. Þær sem ég hef valið eru

Helga mín, Knot Garden, Little Cotton Rabbits, Mom thoughts, Hanne´s Quilt Corner, Felisis blogg, gyldenkron.

1. Ég er sú allra bleikasta sem þú hittir og hef verið það frá því að ég man eftir mér.
2. Ég varð amma 35 ára og á núna 5-9 barnabörn, 5 sjálf og 4 komu með í pakka.
3. Ég hef voða gaman af að elda og baka og geri heimabakaðar pizzur á hverjum föstudegi og þegar ég hef verið utanlands þá gera litlu stelpurnar mínar pizzurnar með aðstoð mömmu á skype.
4. Ég er búin að láta skrá mig í söngnám í vetur, en er alltaf að fresta þessu (eitthvað óörugg).
5. Rod Stewart hefur verið uppáhalds söngvarinn minn frá því að Binna vinkona mín gaf mér plötu með honum þegar við vorum 13 ára.
6. Þegar ég prjóna á mig þá reyni ég alltaf að velja einhvern annan lit heldur en bleikan því að ég er svo hrædd um að velja alltaf bleikan (skrítin ég veit) og nú er ég að fatta að ég á ekkert mikið sem ég hef gert á sjálfa mig í bleiku.
7. Ég bjó í Bandaríkjunum í mörg ár.

Og nú ætla ég að gera þetta á ensku því að þá skilja fleiri hvað ég er að tala um.

1. I am the pinkest of all that is pink and have always been that way.
2. I became a grandmother at 35 years of age and now I have 5 of my own and 4 that came with the package.
3. I love cooking and baking and I do home made pizza every Friday night and when I go owerseas they bake pizza with my help on skype.
4. I am going to learn how to sing this winter, but I keep on putting it off until later.
5. Rod Stewart has been my favorit singer since my girl friend gave me a record when we were 13 years old.
6. When I knit for myself I always try not to make it pink, because I am so afraid that I make to much pink for me, witch I do not and should do more of since it is such a pretty color.
7. I used to live in the states for some years.

Stórir vettlingar

2010-01-22T03:27:00.000-08:00

Ég er svo klikkuð stundum að ég geng fram af sjálfri mér. lol Það er nú bara þannig að ég er að fara til Ameríku í febrúar eins og ég hef minnst á og fjölskylda dóttur minnar er að flytja til Cicaco þar sem er kuldi og vetrarveður á veturna. Nú þau eru búin að eiga heima í Virginia Beach í nokkur ár svo að þau eiga auðvitað ekkert af vetrarfötum. Mamma er að fara út og verður að koma með fulla tösku af vettlingum og sokkum á liðið. Nú ég byrjaði á strákunum mínum og svo á ég þessa fínu vettlinga á Helgu mína, nú er það bara tengdasonurinn sem er svolítið stærri en venjulegur Jón. ;o) Ég lét Helgu mæla höndina á honum og þegar ég fór að skoða málin fannst mér þau ekki geta verið rétt, þetta var svo stórt. Næst þegar ég talaði við Helgu á Skype, vildi ég sjá hendurnar á þeim saman og vitir menn þetta var allt rétt. Maðurinn er 26 cm frá úlnlið og fram yfir löngutöng, 8 cm að þumli eftir að stroffið er búið. ;o)
Í morgun fór ég svo að prjóna fyrri vettlinginn og þegar ég var búin með hann (ekki einu sinni þumalinn) þá varð ég bara að skella inn mynd af þessu og setti vettlinga sem passa á mig við hliðina á þeim og þessir minnstu eru á svona átta ára.
Ég þarf nú ekkert að segja ykkur að ég treysti mér ekki að prjóna sokka á hann fyrr en ég er komin út og get mælt hann sjálf. ;o)
Leiðinda tengdamamma sem getur skemmt sér yfir þessu.
Soffía frænka

2010-01-18T09:06:00.000-08:00

Ég var aldrei búin að sína ykkur hvað ég fékk sniðugt í jólagjöf. Birgitta mín gaf okkur karlinn og kerlinguna, hún er svo hugmyndarík og sér svona fyrir sér. Við vorum að búa til jólasveina og allir að gera eins, en þá breytti hún sínum í þessi líka fínu hjón. Karlinn minnir mig á prest í gamla daga lol, ég veit ekki af hverju. En svo gáfu Tanja og Guðbjörg ( dætur Gunnars) okkur lopaflöskuna sem er líka svo sniðug. Hún verður góð í fellihýsinu okkar í sumar. ;o)

Ég var að reyna að taka mynd af nýjasta verkefninu, þetta er toppur sem er í svo fallegum lit. hann er eins og grænar ólífur á litinn. Mynstrið er í Prjónablaðinu Ýr (einhverju gömlu, sennilega 2005). Ótrúlaga flottur toppur ef að hann klárast einhvern tíman, mér finnst svo seinlegt að prjóna þetta mynstur svo að ég fer alltaf að gera eitthvað annað. ;o)

Nú er ég að fara til Ameríku að hjálpa til við flutninga, svo að nú verð ég að vera dugleg að prjóna sokka, vettlinga og húfur á strákana mína í Ameríku. Áðan fór ég því í búðina og keypti fullt af léttlopa og hosubandi fyrir þetta verkefni. En toppurinn er nú líka bara fyrir sumarið svo að það liggur ekkert á honum ;-)

Kv Soffía frænka

2010-01-11T06:30:00.000-08:00

Jæja nú eru sjöl stelpnanna búin og komu svo vel út og þær ánægðar. Hérna er mynd af báðum sjölunum og svo gaman að sjá muninn á litunum. Karlotta mín fékk appelsínugult og Amelia fékk bleikt. Sokkarnir eru líka búnir, en ég er ekki búin að taka mynd af þeim, það kemur seinna.
Á þessum sjölum jók ég út á fjórum stöðum, í annarri lykkju, svo sinn hvoru megin við miðlykkjurnar tvær og svo í næst síðustu lykkju. Þetta kom mjög vel út og ég er ánægð.

Núna er ég að vinna við skemmtilegt verkefni sem að ég sýni ykkur seinna. Þetta er alveg ferlega flottur toppur á mig í fallegum grænum lit með skemmtilegu gatamynstri. Hann er svo flottur að ég hugsa bara um sól og sumar á meðan ég prjóna. ;o) Það er ekki leiðinlegt.

Kv Soffía frænka

Gleðilegt ár

2010-01-03T10:11:00.001-08:00

Gleðilegt ár og takk fyrir liðið
Kv Soffía frænka

Jólaprjón

2009-12-30T06:45:00.000-08:00

Ég var búin að kaupa mér Kauni garn í október eða nóvember sem ég ætlaði að prjóna úr yfir jólin. Ég hafði séð þetta mynstur í hyrnu og varð að gera hana á mig. Uppskriftina fékk ég svo seinna og geymdi þetta í kistunni minni svo að ég færi nú ekki að stelast til að byrja. Jæja en svo komu nú jólin og allar gjafir búnar sem ég ætlaði að gera, svo að ég byrjaði og byrjaði og byrjaði. ;o) Ég gat semsagt ekki fengið þetta til að ganga upp hjá mér, bara hreinlega skildi ekki uppskriftina og rak upp ábyggilega 6-7 sinnum. En vitir menn allt í einu þegar ég var ein og engin truflun kom þetta á annan í jólum og ég hætti ekki fyrr en ég var búin í gær, þvoði hyrnuna mína fínu og lagði (ekki á gólfið nei...) á ofninn því að mér lá svo á að byrja að nota hana. ;o) Þetta er sennilega kallað óþolinmæði eftir að þurfa að pína mig síðan í október. ;o) Hérna er hún sem sagt og er voða fín en mætti vera stærri að mínu áliti.

Nú þegar ég var búin þá fór ég í búðina og keypti meira garn auðvitað. Ég keypti í sokka á stelpurnar mínar litlu og hyrnur á þær líka. Ég hafði séð poppkornsgarn í útprjónuðum sokkum sem mér fannst svo flott, það var í Dalagarns blaði nr 179, prjónað úr Falk og poppkorn.

Það er svo gaman að prjóna þá að ég er búin með annað parið og byrjuð á næsta. Sú yngri er svo hrifin af appelsínugulum lit að ég keypti þann lit handa henni í bæði hyrnuna og sokkana og svo er hin svo bleik að það er hennar litur í sokkunum og hyrnunni hennar. Þær koma heim 5 janúar svo að mamma ætlar að reyna að vera búin að prjóna þetta allt þá

Jæja nú verð ég að halda áfram, svo að þetta klárist nú fyrir lillurnar mínar.
Kv Soffía frænka

Hó hó hó

2009-12-23T12:37:00.000-08:00

Ég óska öllum í bloggheiminum gleðilegra jóla og farsældar á komandi ári. Verum duglegar í handavinnunni um jólin.

Jólakveðja
Soffía frænka

Jólatréið komið upp ;o)

2009-12-21T15:32:00.000-08:00

Nú eru jólin að koma og tréið mitt fallega komið upp. Þessi mynd er síðan í firra, en tréið er á sama stað og alveg eins skreitt. Ég er alltaf jafn spennt þegar það er komið upp því að mér finnst það alltaf jafn fallegt svo að ég ákvað að deila því með ykkur. Er ekki einhver málsháttur sem segir að hverjum finnist sinn fugl fagur, þó að hann sé bæði ljótur og magur. Ég held að það eigi við jólatréin okkar líka sem er gott því að það þýðir að við erum ánægð með okkar. ;o)

Svona að gamni, þarna er ég að gera það sem ég er alltaf að gera......

Hafið þið það nú gott
Kv Soffía frænka

Jólagjafir......

2009-12-17T01:32:00.000-08:00

Nú er komið að því að ljóstra upp hvað ég er búin að vera að gera undanfarið. Nú eru að koma jól svo að allir verða að fá eitthvað prjónað og ég er búin að vera að prjóna í allt haust. Pakkarnir eru komnir til Ameríku og í þeim eitthvað fallegt. ;o)
Nú hef ég verið að prjóna lopapeysur handa Gunnari og Ameliu. Amelia varð allt í einu að fá lopapeysu áður en hún fer til Ameríku, svo að mamma varð að drífa sig að prjóna eitt stykki peysu handa barninu. Hún vildi hafa hana svarta, gráa og hvíta, með síðum bjölluermum og fallegum tölum. Ekkert mál hún er búin og Amelia voða ánægð með mömmu sína.

Ég er nú ekki viss um að þið sjáið þetta vel, en ég læt þetta frá mér svona. ;o) Þetta eru blómin frá prjóniprjón sem eru svo þjóðleg og falleg. Þetta er líka svo fljótlegt og skemmtilegt að gera að ég er búin með nokkrar og allir góðir fá svona í pakkann sinn. Myndin er nú ekki sem best, ég kann ekki að taka flassið af svo að ljósin njóta sín ekki, en trúið mér, þetta er ótrúlega fallegt. Upphaflega sá ég þetta á síðunni hennar Hellenar og féll algerlega fyrir þessu. Þið ættuð að kíkja á síðuna hennar, hún gerir svo fallega handavinnu. Takk fyrir öll kommentin Hellen mín, það er alltaf svo gaman að fá þau.
Já og konurnar í félagsstarfinu eru allar að hekla svona, meira að segja þær sem ekki kunnu að hekla þær lærðu það bara. ;o)

Þetta var í mogganum á laugardaginn og er alveg að slá í gegn. Ég varð auðvitað að prófa og þetta fer líka í einhverja pakka. Frábært.

Svo er alltaf svo gott að fá vettlinga og húfur í pakkann sinn, eða er það bara að mér finnst svo gaman að allir fái marga pakka, hummm.... ég veit ekki en eitthvað er það nú sem lætur mig prjóna eins og vitlaus manneskja á haustin. ;o)

Jæja en nú er þetta komið nóg í bili, ég verð að halda áfram að gera handavinnu, jólin eru ekki komin ennþá ;o)

Kv Soffía frænka

Gaman, gaman.

2009-11-30T04:14:00.001-08:00

Nú er komið að því að sína hvað ég er búin að vera að gera undanfarið. Fyrst sjáið þið púða sem ég er nú eitthvað skrítin að vera að sína ykkur, því að greyið er svo ljótur. Hann er gerður úr öllum grænu afgöngunum mínum og ég sá hann fyrir mér koma miklu flottari út. En hann er semsagt svona og fer þá bara í fellihýsið því að það er gott að lúlla á honum.

Þarna fáið þið að sjá skrímslabuxurnar tilbúnar, með augum og tönnum. Sætar, er það ekki ;o)

Þetta er hyrna sem ég gerði handa einni dótturinni, sem á afmæli á morgun. Hún er grænni en allt sem er grænt.. ;o) Ég gerði þessa hyrnu úr Kauni garninu, sem er bara æðislegt að prjóna úr, maður veit aldrei hvaða litur kemur næst, sem er svo spennandi.

Þessa broddgelti gerði ég í vikunni og er svo skotin í. Þeir fara í pakka hjá einum litlum snáða sem amma þekkir. Það er á hreinu að ég á eftir að gera fleiri svona (búin með einn og annar á leiðinni, eftir að troða og sauma saman).

Að lokum ætla ég að sína ykkur kort sem ég gerði í gær og finnst svo skemmtilegt. Það er eins og bók, sem ég saumaði svo kerta mynd á.

Þetta er nú allt í dag, ég sýni ykkur meira seinna.
Hafið þið það sem allra best.
Kv Soffía frænka

Skrímslabuxur og fl.

2009-11-13T04:20:00.000-08:00

Nú er ég búin að vera að prjóna og hekla ein og vitlaus en ekkert gengið frá endum eða annað sem þarf að gera.

Eins og ég sagði í síðasta bloggi, þá var ég að prjóna vesti á Diamond fyrir jólin. Nú er ég búin að prjóna vestið og á bara eftir að prjóna stroffið á handveg og hálsmál. En þá versnaði í því, ég á ekki meira garn svo að ég verð að bíða eftir að Birgitta komi með krakkana á laugardag í pössun til ömmu. Hún á svona garn og ég held að það sjáist ekkert þó að það sé ekki sama litanúmer vegna þess að þetta er stroffið, alla vega vona ég það.

Nú svo er ég búin með aðrar skrímslabuxur. En auðvitað á ég eftir að sauma tennur og augu á þær svo að þetta verði nú alvöru skrímsli. Þegar ég var að taka mynd af buxunum kom Brína mín og vantaði athygli og þessi mynd var svo skemmtileg, það er eins og hún sé að ræða við mig um þessa handavinnu mína (fallegust og besta kisulóran mín).

Í gærkveldi tók ég líka fram heklunál og rauða garnið og gerði 10 bjöllur í viðbót við mína seríu. núna þarf ég bara að vera dugleg í dag og sauma niður enda og gera augu og tennur og auðvitað stífa bjöllurnar. Já það er nóg að gera hérna hjá mér þessa daganna, en það er nú það sem ég hef svo gaman af.

Svona í lokin, ég skil ekkert í því hvað er að blogginu mínu, það uppfærir sig ekki á síðunni hennar Helgu minnar. Ég hlít að vera búin að rugla svo mikið í því og ýtt á einhvern takka sem stoppar þetta. Hummm......

Kær kveðja
Soffía frænka

Jólabjöllur og fl.

2009-11-10T07:59:00.000-08:00

Ég gerði 10 jólabjöllur í firra og setti upp í eldhúsinu mínu, glugginn er svo stór að ég sá það eftirá að ég hefði átt að gera 20 ljósa seríu. Nú ætlaði ég að vera voða sniðug og heklaði 10 í viðbót en nennti ekki niður í bílskúr að sækja seríuna frá því í firra þar til ég var næstum búin og þá auðvitað sá ég hvað ég hafði gert. Af því að ég á í einhverjum erfiðleikum með að fylgja mynstri, þá hafði ég breitt og bætt fínu bjöllurnar í firra og gerði svo nákvæmlega eftir uppskriftinni í ár, svo að þá eru þær auðvitað ekki eins ;o) En það er nú allt í lagi því að þetta tekur bara eina kvöldstund að gera og einhver græðir bara á þessu og fær voða fína jólabjölluseríu í ár.

Í gær vorum við Birgitta mín að tala um jólafötin á krakkana hennar. Eftir miklar bollaleggingar var ákveðið að amma prjónaði vesti á litla karlinn og ermar á Belluna. Það var svo ákveðið að vestið yrði rautt og hvítar rendur í stroffinu og ermarnar hvítar. EEnnnn amma fór í búðina að kaupa rautt og hvítt í vestið, þá sá ég að steingrátt var svo fínt með rauðu að ég breytti þessu aðeins. Svo kom ég heim og byrjaði að fitja upp með steingráu garni sem að ég átti og þá var hægt að skila þessari dokku sem að ég var að kaupa. En vitir menn, nú fannst ömmu svo flottur steingrái liturinn að ég hringdi í mömmuna og sagði henni að vestið yrði mikið fallegra steingrátt og með einhverjum öðrum lit í stroffinu. Mamman er svo græn að það var ákveðið að hafa fallega grænan lit með og svo væri þetta mikið sniðugra þá er hægt að nota vestið allt árið þegar maður á að vera fínn. Hérna getið þið séð byrjunina á þessu vesti og amma er að fara út í búð að skipta öllum litunum sem ég keypti í gær því að ég átti nóg í heilt vesti. Svona á maður allt mögulegt ofan í kistu, þegar maður fer að gramsa.

Takk fyrir og hafið það sem allra best
Kv Soffía frænka

Í minningu um tengdamóður mína

2009-11-06T05:37:00.000-08:00

21. október misstum við góða og mikla hannyrðakonu. Hún tengdamamma var orðin 93 ára gömul og sat ennþá og prjónaði röndótta sokka og vettlinga daginn út og inn. Hún var heilsuhraust miðað við aldur, en datt eina nóttina og braut á sér ökklann og í kjölfarið þurfti að svæfa hana og negla saman brotið. Hún þoldi ekki svæfinguna og fékk lungnabólgu og dó 10 dögum seinna. þetta var erfiður tími og tók mikið á okkur öll og þá sérstaklega einkasoninn og hennar besta vin. Sigurlaug var mikil hannyrðakona á sínum yngri árum og lærði meðal annars fatasaum á Borðeyri árið 1932. Við höfðum alltaf um eitthvað að tala ég og hún tengdamamma vegna þess að við áttum okkur sameiginleg áhugamál. Blessuð sé minning góðrar konu.

Á meðan við sátum yfir henni á spítalanum þá var ég að sjálfsögðu með handavinnu með mér og heklaði meðal annars þennan trefil sem á að vera jólagjöf handa tengdadóttur okkar (hún veit ekkert af þessu bloggi svo að þetta er nú í lagi). Hann er heklaður úr Kanni garninu og það kom mér mikið á óvart hvað það er gaman að vinna úr því. Maður veit aldrei hvaða litur kemur næst og svo eru skilin á milli litana svo skemmtileg. Þó var það á einum stað sem að garnið hefur verið sett saman og það sáust greinilega vitlaus skil. Eins og flestir vita sem þekkja mig þá er bleikur litur alltaf í sérstöku uppáhaldi hjá mér og kannski var það ástæðan eða eitthvað annað, að ég naut þess alveg sérstaklega að sjá hvernig þetta mynstur kom út. Það var eins og að hekla fallega blúndu. ;o)

Núna undanfarið hef ég verið að prjóna klúta og fann þetta mynstur á netinu. Því miður veit ég ekki hvernig ég á að setja link á þetta. (Helga hjálp) Þessi uppskrift er afar einföld og gaman að prjóna hana og þarf ekkert að hugsa mikið, sem er stundum gott.

Auðvitað er ég búin að vera að gera hellings handavinnu en það er ekki hægt að birta allt hérna svona rétt fyrir jólin ;o)

Hafið þið það nú sem allra best
Kv Soffía frænka

Vettlingar

2009-10-28T03:50:00.001-07:00

Nú hef ég ekkert verið að setja hér inn í svolítinn tíma vegna þess að nú er jólatíminn og jólagjafaundirbúningur í fullum gangi hérna hjá mér.
Ég set nú samt inn vettlinga sem að ég gerði um daginn. Þeir eiga að vera eins og Nemo fiskurinn og hafa slegið í gegn í vinnunni og í Handavinnuhúsinu hér í Borgarnesi. ;o) Þeir eru svo skemmtilegir og auðveldir að prjóna. Bara rendur og svo saumaði ég auga, munn og heklaði svo ugga. Gæti ekki krúttlegra verið.

En í firra gerði ég þessa snjókarla vettlinga og þeir eru búnir að ganga eins og eldur um sinu hjá konunum í Féló. Þeir eru líka svo einfaldir, en á sama tíma svo flottir fyrir litlar hendur. Ein konan gerði meira að segja húfu í stíl og sló alveg í gegn hjá einhverjum litlum gutta.

Takk fyrir
Soffía frænka

Púðinn búinn

2009-10-15T06:47:00.000-07:00

Hérna kemur púðinn sem að ég var að gera um daginn. Ég er ekkert voða ánægð með hann en ég hlít að venjast honum. Hann er frekar lítill, sem var viljandi gert, svo að það var eitthvað erfitt að fá fyllingu í hann sem passaði. Loksins þegar ég svo keypti lítinn púða í RL búðinni sem að ég hélt að passaði þá var hann frekar stór og eitthvað ólögulegur finnst mér. En semsagt hann er búinn og kominn á rúmið og gaf mér líka hugmynd af öðrum púða sem að ég get gert. Hann á að vera ílangur eins og karmella í laginu og auðvitað með blómum og blúndum eins og litli púðinn.

Ég er svo fljótfær stundum að ég fer fram úr sjálfri mér. ;O) Ég gerði húfu á Ameliu í vikunni, hún var hvít, prjónuð með klukkuprjóni úr Alfa garni og stórt blóm á hliðinni. Voða fín húfa sem dúllan er ægilega ánægð með. Ég gleymdi auðvitað að taka mynd af henni svo að það kemur seinna.

Svo gerði ég líka svo sæta Nemo vettlinga sem komu bara vel út, en fór með þá í vinnuna og skildi þá eftir þar og tók ekki mynd. En það er líka allt í lagi ég geri það bara seinna og þá fáið þið að sjá hvað þeir eru fínir.

Bestu kveðjur á afmælinu mínu.
Soffía frænka

Ný húfa á Diamond

2009-10-13T06:20:00.001-07:00

Hérna kemur húfan á prinsinn hennar ömmu. Hann vildi röndótta húfu með ljósbláum og dökkbláum röndum. Hann er svo ákveðinn þegar að það kemur að einhverju sem amma á að prjóna. ;o)

Í sumar teiknaði hann mynd af peysu og rétti mér, svo sagði hann “amma nú getur þú prjónað svona munstur í peysu næst„
Ég geymdi þetta að sjálfsögðu á voða góðum stað, en auðvitað núna þegar mér datt þetta í hug þá finn ég ekki þennan góða stað. :o)

Ég gerði líka dreka húfu á hann í firra, þá vildi hann svona dreka peysu líka með vængjum. lol Ég fékk auðvitað miklar og góðar lýsingar á þessari peysu, sem að ég ætlaði alltaf að gera á hann, en varð aldrei neitt úr hjá mér. hann er engum öðrum líkur þessi litli gutti minn.

Húfa á íslenska prinsessu

2009-10-10T05:35:00.000-07:00

Þessi skotthúfu uppskrift er nýjustu Húsfreyjunni. Ég gerði hana á Belluna hennar ömmu sín, í hennar litum að sjálfsögðu. ;o) Hún er prjónuð úr Dalagarninu Free stile og það kemur voða vel út og stingur ekki. Ég á eftir að þvo hana og pressa svolítið og þá verður hún voða flott. Þetta tók bara eina kvöldstund svo að nú er ég að fara í búðina og kaupa fallega liti á lítinn prins sem verður að fá skotthúfu líka frá ömmu í sveitinni.

Kv Soffía frænka

Og meiri handavinna

2009-10-07T12:17:00.001-07:00

Nú ætla ég að setja inn eitthvað af því sem ég er búin að vera að gera undanfarið.

Peysuna var ég að klára og er farin að nota hana en það tók smá tíma að velja tölur á hana. Ég vildi fá rauðar hreyndýratölur en þær voru ekki til svo ég fór í Ullarselið og hitti þar Ástrúnu sem gerir þessar fínu tölur úr kindahornum og litar í nokkrum litum. Ég valdi að sjálfsögðu rauðar og er bara ánægð með þær kanski líka vegna þess að þær eru frekar grófar og ekki allar jafn þykkar.

Flösku jólasveinninn og peysan eru fyrir vinnuna og sló alveg í gegn svo að næsta miðvikudag ætla allar að mæta með rauðan og hvítan lopa til þess að við getum allar gert svona saman. Ég er búin að gera uppskrift af þessu fyrir þær (ég á ekki hugmyndina en skrifa niður lykkjufjölda og mynstur til að auðvelda þeim verkið) ;o)

Blómin eru bara della hjá mér þessa dagana og ég veit í rauninni ekkert hvað ég á að gera við þau en ég finn eitthvað út úr því. Ég er með nokkarar góðar hugmyndir í kollinum og í bígerð.

Svo eru það nú jólasokkarnir, þennan ljósa gerði ég eftir uppskrift sem að ég keypti í Bandaríkjunum í vor, en af því að konunum líkar betur við það sem er prjónað þá bjó ég til uppskrift af prjónuðum sokk og blómið sem er ekki fast ennþá er gert eftir bókinni minni góðu sem að ég er búin að vera að tala um í öðrum bloggum og minnist ekki á frekar. ;o)

Já svo er það nú buddan mín sem geymir öll blómin, hún er gerð úr bútum og uppskriftin er í hausnum á mér. Svona er nú svo margt af því sem að maður gerir, bara út í loftið en er með eitthvað í huga sem að kannski maður hefur séð einhverstaðar.

Nóg með þetta raus, nú skuluð þið bara njóta þess að skoða myndirnar.
Kveðja Soffía frænka

Bókin mín - blómin mín ;o)

2009-10-02T06:52:00.001-07:00

Nú eru komin nokkur blóm og helmingur af púðanum sem ég er að gera.

Þetta er ég að hugsa um að setja á púðann þegar ég er búin með hann. Hvernig líst ykkur á? Það sem er undir blómunum er púðaborðið, liturinn er svo fallega grænn að það verður allt fallegt sem sett er á hann.

Næst þegar þið sjáið púðann minn, þá verður hann vonandi búinn.
Þangað til, hafið það gott.
Kv Soffía frænka

Ég fékk nýja bók í gær :o)

2009-10-01T07:24:00.000-07:00

Ég var svo heppin að fá nýja bók í póstinum í gær áður en ég fór í vinnuna. Þessi bók heitir “100 Flowers to knit and Crochet„ og er hreint út sagt frábær.

Í morgun hef ég svo bara heklað blóm og laufblöð eins og vitlaus manneskja. Ég er búin að gera rós, rósarknúpp og rósarlaufblöð, og jú svo varð ég að prófa einn “akron„ (ég man ekki í augnablikinu hvað það heitir á íslensku). Svo er það nú bara hvað ég á að gera við öll þessi blóm. Ég sá voða fallegan heklaðan púða á netinu um daginn og hann kæmi vel til greina vegna þess að ég get sett blómin á hann. Ég set mynd af honum þegar hann er búinn.

Í gær í vinnunni kom kona með svo sniðugan prjónaðan jólasvein til að smeygja yfir flösku. Hann er gerður úr tvöföldum lopa og ég verð auðvitað að gera svona jólasvein. Ég er búin að prjóna hann en á eftir að sauma hann saman og gera skegg og augu, tek mynd þegar ég er búin með hann.

Um daginn keypti ég bókina “Hlýjar hendur„ hún er ágæt, en ekki gott að fara eftir uppskriftunum en af því að ég er ekki byrjandi þá gat ég nú reddað mér með góðu stækkunargleri og þetta er afraksturinn.

Hafið það svo sem allra best.
Kv Soffía frænka

Sextán Fjólur

2009-09-29T09:41:00.000-07:00

Hérna kemur dúkur sem að ég var að gera. Ég fann þessa uppskrift á netinu og varð að prófa hana úr því að ég er svo hrifin af Fjólum. Ég var búin að hugsa mikið um hvaða liti ég ætti að nota og var alveg tilbúin að skreppa til Reykjavíkur til að leita af heklugarni í réttum litum. En hvað haldið þið, Gulla í vinnunni kom með poka af bómullargarni og spurði hvort að einhver gæti notað þetta garn, fjólublátt, gult og grænt. ;o) Frábært. Ég er að hugsa um að hafa þennan dúk í fellihýsinu okkar, hann væri flottur þar með fjólulöbernum sem að ég saumaði úr bútasaum í sumar og hef notað á borðinu í fellihýsinu.

Handavinna

2009-09-28T05:07:00.000-07:00

Nú ætla ég að setja inn nokkrar myndir af handavinnu sem að ég er búin að vera að gera undanfarið.

Ég var að nota afganga af léttlopa sem að ég á svo mikið af og gerði nokkur sokkapör á litlar fætur.

Svo eru það leikskólakrakkarnir, þeir þurfa alltaf svo mikið af sokkum og vettlingum.

Þetta er vesti sem að ég var að enda við að gera og ætla að selja. Það er úr tvöföldum lopa og græni liturinn er þessi cintarmani litur sem kom óvart í verslanirnar í firra.

Þetta er kjóll sem að ég gerði á Karlottu úr einföldum lopa og kitty garni hún valdi litina og munstrið og er hæstánægð með mömmu sína.

2009-09-22T12:35:00.000-07:00

Jæja nú er nú kominn tími til að ég fari að blogga aftur og nú verður það um handavinnuna mína.
Ég er búin að vera alveg rosalega dugleg í handavinnunni í sumar og ætla að láta nokkrar myndir fylgja með að ganni.

2009-05-24T10:45:00.000-07:00

Hérna eru stelpurnar mínar á Íslandsmeistaramótinu fyrsta eða önnur helgin í maí 2009. Amelia og Stefnir voru í 3 sæti í Ballroom og Karlotta og Styrmir voru í 4 sæti í Latín.

2009-05-24T10:33:00.000-07:00

Þetta er vesti sem ég var að gera handa Ísabellunni minni. Ég prjónaði ekki slaufurnar á, heldur saumaði ég bara slaufur úr borða sem stelpurnar fengu frá Sharla með namminu. Það kom nú bara mjög vel út, alla vegana varð Bellan mín voða ánægð með ömmu sína og vildi nota tækifærið og biðja mig um að prjóna líka kjól sem átti að vera svartur með bleiku munstri. Nú amma gat ekki annað en prjónað hann líka og þá kom annað vandamál upp. Diamond vantaði drekapeysu í stíl við húfuna sem amma gerði og hún á að vera með vængjum... hummm nú verður amma að fara að hanna svoleiðis peysu. :o) Alltaf nóg að gera hjá ömmum sem prjóna (sem betur fer).

2009-05-19T03:41:00.000-07:00

Hérna er kort sem að ég gerði fyrir sextugs afmæli um daginn. Ég er bara nokkuð ánægð með þetta, við gerðum þetta saman ég og Gunnar. Hann gerði ljóðið en ég saumaði og skrifaði.

Sunnudagur

2009-02-01T05:51:00.000-08:00

Jæja nú er komin helgi og við bara að slappa af hérna heima og stelpurnar eru búnar að vera að horfa á Húsið á sléttuni alla helgina. Ég er búin að prjóna vesti á Diamond og sendi Árna með það til Birgittu núna áðan. Svo er ég nú líka búin að uppgörta prjónasíðu á netinu og þar eru fullt af hugmyndum. Þar sá ´ég litla prjónaða skó sem að ég varð auðvitað að prófa og þeir eru æðislega fínir (heppni að Fjóla á að eiga barn núna í febrúar). Annars er ég búin að vera að reyna að manna mig upp í að prjóna eitthvað á litla barnið til þess að stelpurnar geti gefið þeim. Barnið kemur ekki fyrr en 23, feb. svo að ég hef ennþá tíma. Svo er það auðvitað vinnan mín, ég verð að finna upp á einhverju til að sína dömunum mínum og þá helst eitthvað fyrir páskana. Ég er búin að finna perluunga og egg sem að ég sýni þeim þegar að ég er búin að gera það. Set kanski mynd af því hérna ef að það klárast. Annars gerði ég hring á kertastjaka handa okkur Birgittu og það heppnaðist nokkuð vel, finnst mér allavegana. Hérna eru myndir af því, bara að gamni.

Nýju eldhúsgardínurnar mínar

2009-01-29T07:07:00.000-08:00

Nú er ég ekkert búin að hafa tíma til að blogga, því að ég er búin að vera að hekla gardínur fyrir eldhúsgluggann minn. Þetta er búið að taka mig svona mánuð, því að ég byrjaði um jólin og er búin að hjakka á þessu síðan. En þetta hefur verið draumur hjá mér í mörg á (ég held síðan Birgitta mín var lítil eða ekki fædd). Og ég segi þá bara LOKSINS.

Rólegheit í stressinu

2008-11-13T04:53:00.000-08:00

Jæja nú er nú ekki mikið að segja hérna á Þórðargötunni, fimmtudagur og ég þarf ekki að vinna, sækja börnin eða gera neitt nema það sem ég vil sjálf. Gunnar er að vinna í allan dag og því er ég ein að dunda mér. Í morgun er ég búin að vera að breyta síðunni minni og fikta svolítið og prófa eitthvað nýtt. Svo er ég líka búin að lesa bloggin sem ég hef gaman af hjá mínum góðu vinum og vandamönnum. Alltaf gaman að því.
Í gær var ég í vinnunni og lærði að perla eins og konurnar eru alveg rosa klárar að gera. Ég fór að sjálfsögðu í búðina og keypti það sem til þurfti og byrjaði að perla. Þetta gekk svo vel að ég kláraði næstum því hring til að setja á kertastjaka fyrir jólin voða fallegur, en svo skildi ég ekkert í því að grænu perlurnar voru komnar út um allt borð og þegar ég fór að gá þá var allt að detta í sundur og ég mátti rekja allt upp. ARRRRG. Jæja en Karlotta mín var að fylgjast með mömmu sinni og skildi ekkert í því að ég væri ekki reið yfir þessu, ég sagði henni auðvitað, barninu, að maður ætti ekki að reiðast yfir svona löguðu og brosti voða sætt (ekki inni í mér, þar voru öskur og læti). En í morgun byrjaði ég svo upp á nýtt.
Núna er ég líka farin að hafa áhyggjur af bókinni minni sem á að vera tilbúin eftir svona hálfan mánuð, útprentuð. Hún er ekki næstum því tilbúin. Það þýðir ekkert að vera að þessu slóri, nú er bara að fara að taka til hendinni og klára þetta verkefni.
Þetta er orðið gott í bili.
Until next time

Gull og 2 silfur

2008-11-10T07:18:00.000-08:00

Það var Lottómót í dans um helgina, og stelpurnar mínar unnu báðar silfur í standard Ballroom. þetta var alveg frábært þar sem Karlotta og Stella eru nýlega byrjaðar að dansa saman og ekki verið neitt að æfa aukalega. Amelia og Stefnir fóru auðvitað á kostum og unnu silfur í Ballroom og gull í latín. Þau voru búin að vinna sér þetta inn, þar sem þau eru svo dugleg að æfa sig og hafa verið svo samviskusöm.
Mamman var auðvitað þarna að horfa á lillurnar sínar allan daginn, en eftir svona 10 tíma törn þá var mín nú orðin heldur leið. Við lögðum af stað heim og keyptum okkur samlokur og nammi á leiðinni og vorum komnar heim kl 10:30 um kvöldið. Karlotta mín var sofnuð áður en 10 mín voru liðnar frá því að við komum heim og við Amelia nokkrum mínútum síðar.
En sigurvíman entist alla helgina og er ekki farin af okkur ennþá. Í firrakvöld vorum við svo að horfa á fréttir og vitir men, var ekki sýnt frá danskeppninni og Amelia og Stefnir komu þarna í sjónvarpið og aftur daginn eftir í einhvern íþrótta þátt. Gaman gaman.

Það er komin niðurstaða

2008-09-29T09:39:00.000-07:00

Í gær þegar A fór í dans, þá kom þetta fyrir aftur og E hringdi í mig til að segja mér að þetta sé óhugnarlegt. Ég fór svo með hana til læknis í dag, og þar fengum við niðurstöðu á þessu dularfullu verkjum og öndunarerfiðleikum. Hún er greyið með magabólgur sem myndast af stressi og kvíðaköst sem orsaka að hún andar of mikið og því svimar henni og fær þennann skjálfta. Hún á að taka inn töflur við maganum og anda í poka ef þessir öndunarerfiðleikar koma aftur. Hún er svo viðkvæm að við verðum að passa að hún sé ekki að taka inn á sig erfiðleika annara. Ég er búin að tala við skólastjórann og hann ætlar að tala við íþróttakennarann og passa að hann sé ekki að reka á eftir henni í keppni og annað. Svo verður þetta bara að jafna sig, en það er þvílíkur léttir að vita núna hvað er að litlu stelpunni minni.

Annars er allt fínt að frétta héðan, ég er alltaf að tálga og er farin að sauma í aftur. Dúkurinn sem ég keypti í fyrra og gaf mér eins langann tíma og ég þyrfti er kominn fram aftur og mín núna á fullu í “Harðangri og klaustri“. Þetta er 12 manna dúkur sem passar á borðstofuborðið hjá mér. Ótrúlega fallegur og bara gaman að sauma hann.

Ég er að reyna að tálga eitthvað á hverjum degi, til að ná góðum tökum á þessari list. Hingað til hefur það tekist og vel það, því að þetta er svo gaman. Ég er til dæmis búin að tálga handa næstum öllum krökkunum eitt stikki og svo eru jólasveinarnir litlu alveg frábærir og ég er búin að gera 10 stikki af svoleiðis og þarf að gera 10-20 í viðbót. Svo eru karlar og laufblöð og allskonar skemmtilegt dót sem príðir nú eldhúsgluggann minn.

Í dag fór ég svo og keypti mér Linditrés kubb til að læra að skera út myndir. Mamma ætlar að kenna mér hvernig það er gert. Ég er viss um að það er alveg frábærlega gaman. Ég er svo spennt í að byrja að ég get ekki beðið eftir að mamma komi á föstudag með mynd og sína kunnáttu. En það er víst nóg af öðru að gera hjá mér.

Í gær spurði GG mig hvort að ég vildi ekki nota tímann sem ég er heima og læra að spila á eitthvert hljóðfæri :). Ég sagði auðvitað já, ég ætla að tala við Steinku og fá hana til að kenna mér á píanó í vetur. Það er brjálað að gera hjá minni hvort sem
er.

K er alltaf sama dúllan, hún er komin með stelpu að dansa við. Við erum voða ánægð með það, þó að það sé önnur stelpa þá er það betra en enginn. Nú verur mamma hennar K að fara að sauma kjóla bæði fyrir latín og ballroom. Ég er bara sátt við það því að mér líkaði ekki alveg við kjólinn hannar hvort sem er og svo eru kjólarnir hennar Stellu svo fallega bleikir. ;)

Jæja þetta er orðið gott í bili

Amelia til læknis

2008-09-24T15:11:00.000-07:00

Þetta er nú búinn að vera meiri dagurinn. Skólastjórinn hringdi í mig í morgun og sagði mér að A hefði misst andann í sundi í dag. Eftir að tala við hann komumst við að því að hún hefði sennilega fengið kvíðakast og þar af leiðandi ekki getað andað. Hún vildi ekki að ég kæmi að sækja hana, svo að ég gerði mig bara tilbúna til að fara í vinnu (fyrst að það er nú miðvikudagur og eini dagurinn sem ég vinn). C var komin að þrífa og ég að gera mig til þegar síminn hringdi aftur og þá var það kennarinn hennar og þetta hafði komið fyrir aftur. Ég sagði náttúrulega að ég kæmi núna að ná í hana og sendi svo GG. Hann sannfærði mig um að allt væri í lagi, hann yrði heima og ég fór svo bara í vinnu. Þegar ég var komin í vinnuna þá hringdi hann og sagði mér að hann færi með hana til R-víkur til læknis og ég þyrfti ekki að koma með. Ég sagði G frá þessu og hún rak mig heim, sagði að ég ætti að fara með henni. Vinna er bara vinna en líf er líf (yfirmanneskjan mín). Hún er með bólgur í kviðarholinu og fékk sennilega kvíðakast út frá verkjunum. Greyið mitt hvað hún hefur verið hrædd. En nú er hún komin í rúmið og er að fara að sofa og allt í lagi nema þessar bólgur sem að við vitum ekki hvar eru. Blóðprufurnar koma svo eftir einn til tvo daga. Ég læt ykkur vita hvernig gengur með þetta seinna.
Bæ for now

Þriðjudagur

2008-09-16T07:18:00.000-07:00

Þessa dagana er ég nú alvarlega að hugsa um það hvernig fólk hefur tíma til þess að vinna. Ég er semsagt alveg á fullu þessa dagana og vinn bara einn dag í viku í þrjá tíma. Ég er alltaf á fullu að gera eitthvað en ætti að vera að gera annað (skiljið þið hvað ég meina).

Semsagt þá er ég að undirbúa vinnuna á morgun í dag. Ég fór niður í fjöru að tína steina til þess að mála á á morgun. Svo var nú að þvo steinana og nú eru þeir að þorna á ofninum. Í kvöld þarf ég svo að mála einhverjar myndir á steinana og sína konunum og kenna þeim á morgun.

Í gær fór GG í ristilspeglun og hún kom svona líka flott út. Það fannst einn sepi sem var brendur í burtu en allt annað var fínt. skurðurinn hafði gróið svona líka fínt og allt í lukkunar standi. Guði sé lof.

Ég notaði tímann til að fara í búðir og keypti mér útskurðar hníf. Hann var loksins kominn og ég fór svo að prófa hann þegar ég kom heim. Ég setti upp kartöflur og henti kjöti inn í ofninn og svo byrjuðum við Karlotta að skera út. Ég varð voða pirruð þegar ég svo þurfti að taka allt af borðinu til að gefa þeim að borða. En svo þegar GG fór í vitjun þá notaði ég tækifærið og tók allt upp aftur og allt í einu heirðist í GG. Hann var kominn heim aftur og ég sem hélt að hann væri ekki farinn, hummmmmm. Nei en þetta er svo gaman að maður gleymir sér alveg. Svo í morgun þegar allir voru farnir út úr húsinu þá tók ég þetta fram aftur og gerði svolítið. Gaman gaman.

Nú er víst kominn tími til að sækja stelpurnar mínar í skólann. Þar til næst, bæ bæ.

Jólagjafirnar í undirbúningi

2008-09-11T06:17:00.000-07:00

Nú er ég búin að vera á fullu í námskeiði sem heitir „Lesið í skóginn- tálgað í tré“. Þetta var svo gaman, ég gerði nú ekki mikið en sammt eitthvað. Það sem ég gerði var -smjörhnífur, tertuspaði, skeið í saltið (pínulítil), bolla, og tilraun með fugl. Þetta hljómar nú aldeilis vel, en trúið mér þetta var ekki mjög flott. En nú kann ég þetta og get haldið áfram að æfa mig og verð ábyggilega mjög góð eftir einhvern tíman. Ég set inn myndir seinna af þessu afreki.

Allt gengur vel, ég er farin að vinna við Félagsstarf aldraðra einn dag í viku og byrjaði í gær. Það var bara voða gaman og ég held að ég hafi staðið mig vel (vona það allavegana).

Nú er ég að vinna að jólagjöfunum sem að ég ætla að búa til í ár. Það gengur voða vel og þið fáið að sjá það um jólin hahahah. Voða spennandi. En ég er svo spennt yfir þessu að ég hugsa ekki um annað og vinn að þessu á hverjum degi og ég vona að allir verði ánægðir.

2008-09-01T11:49:00.001-07:00

Make a Smilebox scrapbook

Gaman, gaman

2008-09-01T10:15:00.000-07:00

Nú er aldeilis gaman hjá minni. Ég var að finna þennan link á skrapbook síðu og er að verða vitlaus. Það er eins gott að mín er ekki að vinna úti núna, svo að ég hafi nóg af tíma til að leika mér. ÉG sé alveg fyrir mér síðu með jólamyndum aðra af útilegum og enn aðra af ferðalögum utanlands....... humm allt of mikið að gera hjá mér núna.
En semsagt þá fór GG að vinna í dag og stelpurnar eru að byrja í tónlistaskólanum núna á eftir og dans á morgun. Brjálað að gera. Verð að fara að keyra þær á æfingu núna.

2008-09-01T10:11:00.000-07:00

Make a Smilebox scrapbook

2008-09-01T09:36:00.001-07:00

Make a Smilebox postcard

Loksins búin

2008-08-21T11:48:00.000-07:00

Jæja nú er ég loksins búin í skólanum, var í vistfræðiprófinu í morgun. Ég er næstum viss um að ég hafi náð þessu, vona það að minsta kosti. Nú er ég orðin húsmóðir og verð svo að vinna einn dag í viku í félagsstarfi aldraðra, þrjá tíma á miðvikudögum að hjálpa til við handavinnu.

Stelpurnar eru að koma á eftir og svo byrjar skólinn hjá krökkunum á morgun. Ég er voða heppin að ég þarf ekki að keyra alla daga bara á föstudögum og svo sæki ég á þriðjudögum og kannski miðvikudögum.

Við erum að fara í útilegu á morgun, ætlum á Hellu á Landbúnaðarsýningu. Það verður voða gaman fyrir stelpurnar og okkur líka.

Ok kem á eftir helgi.

BS ritgerðin komin inn

2008-08-18T15:02:00.000-07:00

Jæja nú er ég á fullu að lesa undir próf í vistfræði. Það finnst mér svo erfitt, en ég get þetta alveg og mun ná þessu prófi.

Ég er líka voða dugleg í garðinum mínum þó að ég ætti kanski ekki að segja frá því. Ég er búin að setja niður loksins Kasmírreynirinn. Hann er á nokkuð góðum stað, en svolítið í miðjum garði. En maður verður víst að gera ráð fyrir að þetta vaxi og verði stórt.

Í gær söguðum við niður Birkitré og Sitkagreni sem voru fyrir og ég gerði svo sætt hjarta úr greinunum. Við ætlum að setja það upp hjá eldhúsglugganum og ég ætla líka að setja hvít ljós í þetta og hafa voða sætt í vetur.

GG er líka búinn að vera svo duglegur í garðinum, hann er búinn að grafa upp meðfram húsinu og ætlar að setja dúk upp við vegginn og svo setja möl eins og á að gera til þess að það komi ekki vatn inn í húsið eins og í fyrra.

Úlfareynir

2008-08-14T11:48:00.000-07:00

Já nú er ég í stuði. Áðan fór ég í Grenigerði og keypti mér Úlfareynir, Koparreynir og Hansarós. Þegar ég kom heim þá fór ég út að planta þessu, en.... viti menn, ég fór bara til þess að kaupa Hansarós og eitt runnatré og því get ég ekki komið Koparreynirnum niður. Hann passar ekki inn í planið hjá mér strax, svo að nú verður mín að fara að hugsa og plana. Ég er að reyna að koma upp skjóli hjá mér fyrir vindinum, það er nú ekki mikill vindur en sammt alltaf eitthvað.

Nú er ég að verða búin með kjólinn minn, bara önnur öxlin eftir. Ég mátaði hann í dag og hann er voða flottur og passar vel. Það er alltaf svo gaman að klára eitthvað sem maður er að gera.

Stelpurnar mínar koma heim á morgun, það sem ég er orðin spennt. Við erum búin að ákveða að fara suðureftir seinnipartinn á morgun og láta bjóða okkur í mat annað kvöld, svo verðum við bara á spjallinu þar til tíminn kemur að sækja prinsessurnar mínar. Þá verur nú lífið aftur venjulegt og það er GOTT.

Nú er þetta að verða búið

2008-08-13T11:39:00.000-07:00

Jæja nú er ég að prenta út ritgerðina og búin að tala við prentarann, henn er að gera forsíðuna fyrir mig og svo ætlar hann að binda ritgerðina inn fyrir mig. Jibbý það sem ég verð ánægð. Þetta er voða skrítin tilfinning að vera svona næstum búin með þennan áfanga í lífinu. Fyrst af mínu fólki til að klára háskólapróf, hummmm.... það er sko gaman.

Jæja en semsagt C kom og þreif hérna hjá okkur í dag, það er alltaf svo gott þegar hún kemur. Hún hefur ekkert komið í sumar og við ekkert heirt í henni, en mamma hennar dó svo að hún fór út í jarðaförina og stoppaði eitthvað hjá fjölskyldunni. En það er allavegana gott að hún er komin aftur.

M út á enda kom í heimsókn í dag, J er á Reykjalundi að ná sér eftir hjartaaðgerðina í vor og kemur bara heim um helgar. Hún fékk nýlagaða hjónabandsælu og kleinur. Ég var að taka hjónabandsæluna út úr ofninum þegar hún kom, það var nú ágætt því að hún M er svo myndarleg húsmóðir að maður fær alltaf veislu þegar maður kemur til þeirra.

Í gærkveldi fór ég í handavinnuhúsið að prjóna aðeins með konunum, GG fór á meðan til vinar síns sem var að koma úr aðgerð. ég kom svo heim kl 10 og fór þá á tölvuna og vitir menn þar voru litlu stelpurnar mínar á tölvunni, svo að mamma fékk að sjá þær og tala við þær.

Lokaspretturinn

2008-08-12T11:54:00.000-07:00

Ég er búin að vera að skrifa í dag og er á lokasprettinum á ritgerðinni. Ég á semsé að skila henni á föstudag og er nokkuð viss um að þetta verður ekkert mál. Á morgun fer ég til prentarans og læt hann prenta út forsíðunni og svo geri ég restina nema að ég þarf að láta binda hana inn.

Helgin var nokkuð góð hjá okkur, við fórum á pæjumót (ég var auðvitað boðuð) yeah right. Nei í alvöru þá voru stelpurnar að spila fótbolta og við tókum krakkana hennar B með. Það var voða gaman og amma var alveg á fullu allan daginn og datt svo út af á kvöldin með þeim litlu því að hún var alveg búin. Afi var að hugsa um hinar stelpurnar svo að hann gat lítið hjálpað ömmu. En þau muna þetta örugglega lengi því að þau fengu að sofa í tjaldi. :)

Jæja en nú erum við orðin ein í kotinu og þá er nú gaman. GG er búinn að vera að dunda sér í allan dag úti að mála og ditta að einu og öðru á meðan ég er inni að skrifa ritgerð (sem ég átti auðvitað að vera búin að fyrir löngu). Við fórum svo í bakaríið seinnipartinn og fengum okkur að borða og kíktum til mömmu hans á eftir og stoppuðum lengi hjá henni. Hún var voða ánægð því að dagarnir eru svo lengi að líða og henni leiðist svo þegar við komum ekki til hennar í nokkra daga. Lífið hjá henni gengur bara út á að sjá GG og okkur hin. Svona er að vera orðin 92 ára gömul.

Nú er nóg komið í dag

2008-08-03T14:27:00.000-07:00

Í dag er ég búin að mála eldhúsgluggann og hurðina í eldhúsinu líka. GG er búinn að vera úti í allan dag að slípa og pússa og mála vélsleðakerruna sína, nú er hann stopp því að honum vantar málingu. þetta eru búnir að vera mjög góðir dagar, mikið unnist af því sem við ætluðum að gara í sumarfríinu okkar.

B hringdi í mig í dag og bað mig um að fara yfir ritgerð hjá sér i kvöld. Henni gengur svo vel í þessum fögum sem hún er í og ég veit að henni á eftir að ganga vel í skólanum í vetur, hún er svo dugleg og samviskusöm.

Ég talaði við H í gær, strákarnir eru að koma í dag heim frá Sharla, svo að nú verður aldeilis gaman hjá þeim.

A og K eru að koma heim eftir 12 daga.... húrra. Ég er alveg tilbúin að fá litlu börnin mín heim aftur, þetta er búið að vera langt sumar, en vonandi er þetta nú síðasta sumarið.

Komin heim og voða dugleg!

2008-08-02T11:00:00.000-07:00

Jæja nú erum við hætt að ferðast í bili og ætlum að reina að gera eitthvað hérna heima. Í dag máluðum við pallinn og ég kláraði að skrifa ritgerðina mína.

Ég vaknaði kl átta í morgun og fór í Borgarnesskóla að taka myndir fyrir verkefnið mitt. Svo var nú bara setið við skriftir og hætti ekki fyrr en ég var búin. Þá fór ég nú út og hjálpaði þeim að klára pallinn, til þess að ég gæti nú sagt að ég hafi hjálpað til. ;)

Í kvöld ætlum við að fara í Skorradalinn þar sem Vignir og Inga eru með hjólhýsið sitt og sjá hvernig aðstæður eru. Það hefði nú verið gaman að fara með tjaldvagninn með og vera þarna yfir nótt.

Ég var ekki búin að klára bloggið um ferðina okkar góðu svo að ég ætla að setjast niður einn daginn og klára. Svo erum við búin að fara í aðra ferð sem ég á alveg eftir að segja frá. Geri það einn daginn líka.

Komin heim.

2008-07-13T14:20:00.000-07:00

Jæja nú erum við komin heim eftir langt ferðalag. Til að byrja með ætluðum við að fara suðurleiðina, en þegar við sáum veðurspána þá var hætt við suðurleiðina og norðurleiðin valin í staðin. Við lögðum frekar seint af stað og svo var auðvitað stoppað í Staðarskála (af einhverri ástæðu þá stoppar GG alltaf í Staðarskála og borðar) Við fengum okkur ekki svo góðan mat og héldum svo aftur að stað. Nú var farið alla leið að Blöndós og þar var ákveðið að stoppa og fista um nóttina. Við vorum auðvitað með Tjaldvagninn okkar (sem er voða töff að hafa), ennnn... við leigðum okkur bústað yfir nóttina og gistum í honum. Þar var heitur pottur sem var farið í um kvöldið og svo lögðum við að stað um tvö næsta dag. Nú var farið alla leið að Akureyri og deginum eitt í búðarráp og svoleiðis nauðsynlega hluti. Þegar við lögðum af stað frá Akureyri þá var klukkan orðin svo margt að við nenntum ekki að keyra lengi, svo að nú var farið á Stórutjarnir (Hótel Edda ) um hálftíma frá Akureyri. Þar gistum við í góðu yfirlæti um nóttina (ennþá með töff vagninn aftan á bílnum). Nú þegar við vöknuðum þá varð nú aldeilis að taka á honum stóra sínum, því að nú urðum við að vera á Djúpavogi um kvöldið, því að það átti að skíra litla kút daginn eftir. Við stoppuðum í Jökuldalnum og fengum okkur að borða á Skjöldólfsstöðum í Jökuldalnum. Það var ágætt en ekki aftur. Svo var næsta stopp á Egilstöðum og þá var ákveðið að fara norðurleiðina til baka aftur því að GG er ekkert hrifinn af suðurleiðinni (ekkert að sjá þar). Við vildium semsagt kanna austfirði betur. Nú við vorum komin klukkan svona nínu um kvöldið á Djúpavog og ákváðum að þvo bílinn og tjaldeðalvagninn líka. En vitir menn Djúpavogur er svo lítill að Árni sá okkur koma inn í þorpið og kom til okkar. Við tjekkuðum okkur inn í kofann sem við áttum pantaðan og opnuðum alla glugga því að liktin var vægast sagt vond þarna inni (eins og hestalikt). Ekki halda að við værum ekki með eðalvagninn líka henn fékk bara að vera á bílastæðinu voða töff. Þá var farið að skoða litla gripinn, svo sætan og fínann. yndislegur lítill strákur. Við stoppuðum voða stutt þarna hjá þeim, því að þau voru í fullum fermingar og skírnar undirbúningi. Við mættum svo í kirkjuna klukkan tíu mínútur í ellefu daginn eftir og enginn nema presturinn kominn, hummm. Við fórum að hugsa hvort að við hefðum tekið vitlaust eftir en þá fóru allir að tínast í kirkjuna (ekkert stress þarna). Litli kútur var skírður Birkir Árni, sem er reglulega flott nafn á litla snáðann. Svo var auðvitað veisla á eftir og allt það sem fylgir svona dögum. Við fengum aldrei að sjá hvað hann fékk í skírnargjöf því að það er víst ekki til siðs að opna gjafir svo aðrir sjái.

Daginn eftir fórum við svo út í Papey og eyddum deginum þar, voða sniðugt að hafa séð eynna. svo var haldið í hann og ég orðin svolítið óþolinmóð að komast burt frá þokunni sem var búin að vera þarna síðan við komum. Við keyrðum ekki lengi, heldur fórum á Staðarborg í Breiðdalsvík og gistum þar á fínu hóteli (og eðalvagninn alltaf út á bílastæði).

Um morguninn lögðum við svo af stað og komumst nú alla leið að Atlavík, þá var veðrið orðið svo gott að við ákváðum að setja nú upp eðalvagninn og fara í sólbað. Frábært veður og við urðum voða ánægð eftir alla þokuna á Djúpavogi.

Daginn eftir fórum við svo á Kárahnjúka og skoðuðum stífluna sem verið er að gera þar. Svo var farið að skoða eitthvað fleira sem stíflunni við kom. Það var auðvitað þoka alla leið og ekkert hægt að sjá, ekki einu sinni næstu stiku. Ennnn svo fórum við að skoða Skriðuklaustur og þá var nú gaman. Ég náði að stela afleggjara af einu blóminu hennar Fransesku sem átti einu sinni þetta hús (auðvitað ekki blómið). Það dafnar vel í eldhúsglugganum. Þegar við komum í tjaldið aftur þá pökkuðumvið saman og fórum á Egilstaði.

Og við ekki farin ennþá

2008-07-01T08:44:00.000-07:00

Jæja nú er klukkan að verða fjögur og við ekki farin ennþá. GG er í R-vík í ómskoðun og ætlaði svo að fara í Leonardo að borga úrið fyrir T. Ég held að við séum ekkert á leiðinni í útilegu í dag. Veðrið á víst að vera leiðinlegt á suð-austurlandinu í nótt og rigna svo á morgun á suður og austurlandi. Nema auðvitað að við getum farið norðurleiðina. Allt dótið okkar er að minnsta kosti komið út í bíl.

Ég hef ekkert heyrt í litlu dúllunum mínum í næstum því viku núna og er að verða vitlaus. Annars er ég búin að komast að því að því meira sem ég heyri í þeim og sé þær þá er erfiðara að hafa þær ekki hérna hjá mömmu. A ætti að fá tölvuna í dag svo að þegar ég kem heim þá getum við spjallað á skype eins og við H gerum.

Ég fer í fríið!!!!

2008-06-30T15:10:00.000-07:00

Ég er núna búin að senda ritgerðina mína til leiðbeinandans og er hætt að hugsa um hana þar til 10 júlí.

Núna erum við að fara til Árna og Siggu í skírnina og ætlum að vera tvo til þrjá daga á leiðinni. Við tökum með okkur tjaldvagninn og ætlum að skoða allt sem okkur dettur í hug á leiðinni. Stelpurnar koma með okkur og við erum öll rosa spennt. en spurningin er, hvernig er hægt að treina sér ferðina á Djúpavog í þrjá daga? Huuummmmm ég veit ekki, en það tekst, svo komum við á fimmtudagskvöld á Djúpavog og skírnin er svo á föstudag kl 11:00 svo skírnarveislan og síðan leggjum við að stað hringinn..... Jæja eða einhvernvegin svoleiðis.

Við erum allavega komin í sumarfrí (hann allavega) í tvo mánuði